Junípero Serra

Wikipedia(e)tik
Hona jo: nabigazioa, Bilatu
Junípero Serra
Junípero Serra
Datu pertsonalak
Izen osoa Junípero Serra Ferrer
Jaio 1713ko azaroaren 24a
Petra, Mallorca (Espainia)
Hil 1784ko azaroaren 28a
San Carlos Borromeo de Carmelo, Kaliforniak (Espainia Berria)

Junípero Serra Ferrer (Petra, Mallorca, 1713ko azaroaren 24a - San Carlos Borromeo de Carmelo, Kaliforniak, Espainia Berria, gaur egun Kalifornia, AEB, 1784ko azaroaren 28a) espainiar elizgizona eta kolonizatzailea izan zen.

Bizitza[aldatu | aldatu iturburu kodea]

1730. urtean frantziskotarren ordenan sartu zen, eta Palmako Unibertsitatean izan zen irakasle. 1749an, Espainia Berriko misioetara bidali zuten. 1749-1758 urteetan Sierra Gordan izan zen (Querétaro), eta handik Mexikora abiatu zen. Mexikon Croix erregeordearekin jarri zen harremanetan, iparraldea kolonizatzeko asmotan.

1767. urtean, jesuitak egotzi zituztenean, Behe Kaliforniara bidali zuten. 1769. urtean Kalifornia Garaira joan zen, eta San Diegoko eta Monterreyko San Carlos Borromeo de Carmelo misioak sortu zituen. 1776tik aurrera, misio gehiago zabaldu zituen San Frantziskon, San Gabrielen (egungo Los Angelesen), eta beste leku batzuetan. Eremu horretako amerindiarrak katoliko bihurtu zituen, eta gaztelania irakatsi zien.

1988an Joan Paulo II.a aita santuak dohatsu egin zuen.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Junípero Serra Aldatu lotura Wikidatan