Kafe Antzokia

Kafe Antzokia
Irudi gehiago
Kokapena
Herrialdea	Euskal Herria
Probintzia	Bizkaia
Herria	Abando
Koordenatuak	43°15′50″N 2°55′41″W
Historia eta erabilera
Irekiera	1995eko abendua
Kudeatzailea	Zenbat Gara
Webgune ofiziala

Bilboko Kafe Antzokia kulturgunea "Zenbat Gara" elkarteak zabaldu zuen 1995eko abenduan, Abandoko San Bizente elizaren zinema izandako eraikinean.

Bilbo inguruko euskal hiztunentzako bilgune eta kultura ekitaldiak eskaintzeko leku erreferentziazkoa izateko sortua, denborarekin jarduerak ugarituz joan dira. Kafe Antzokiari esker euskararen erabilera sustatzeko ekimenak garatuz joan dira Zenbat Gara elkartearen eskutik. Bilbon euskara hutsez emititzen duen Bilbo Hiria irratia Kafe Antzokiak lagundua da eta areto gainean ditu estudioak. Bilbo Handi osorako euskara hutsez emititzen duen irrati ez komertziala da Bilbo Hiria. Eraikin berean dago, halaber, Gabriel Aresti euskaltegiaren egoitza nagusia. non hainbat hitzaldi, tailer eta jai antolatzen diren.

Bere ezaugarriak dituen lehenengo aretoa izan zen, bere atzetik Ondarroako Kafe Antzokia zabaldu bazuten eta bien ondoren Euskal Herrian beste antzeko ekimen batzuk abiatu badituzte ere.

Jarduerak

Kulturgunearen jarduera nagusiak hauek dira,

Kontzertuak

Zuzeneko musikari dagokionez, Bilboko eszenatoki nagusietako bat da Kafe Antzokia. Euskal musikari gehienek jo dute bertan, baita atzerriko ehunka talde eta bakarlari ezagun ere.

Lagun Artean Kantari

Euskal kantagintza saioa egungo eta atzoko euskal kantak berreskuratuz lagun arteko giroan kantatzeko saio irekia.

Urbeltzen Dantza Ganbara

Juan Antonio Urbeltz

Euskal dantzen saio ireki eta partehartzailea Juan Antonio Urbeltz folklorista ospetsuaren eskutik.

Kurkuluxetan Umegunea

haurrentzako jarduera mordoa antolatzen duten ekimena da: igande arratseroko Olgetan haur jaia, Arte eszenikoen eskola (dantza eskola, musika eskola eta antzerki eskola) Ane Monna, Oskola eta Karramarroi antzerki taldea, haurrentzako CD eta DVD ekoizpenak, udako egonaldiak…

Euskara ikasleentzako jarduerak

Eraikin berean dagoen Gabriel Aresti euskaltegiak hainbat hitzaldi, tailer eta jai antolatzen ditu bertan.

Jantokia

Egunero 200 bat lagunentzako bazkariak prestatzen dira. Eguerdietan jantoki bilakatutako aretoko mahaiak beteta egon ohi dira. Bezperan artistek jardundako eszenatokian bertan ere bazkaldu daiteke, horrek duen kutsu magikoarekin.

Bestelako ekitaldi eta ospakizunak

Euskalgintzaren erreferentziazko bilgunea izanik, euskal kulturarekin lotuta dauden erakundek hainbat ekitaldi ospatzen dira Kafe Antzokian. Esaterako Udako Euskal Unibertsitatean Kafe Antzokian antolatu zituen Uztaro aldizkariaren 100. alea argitaratzea, eta bere 50. urteurrena.

Euskal Unibertsitateko koplak kantatzen UEUren 50. urteurreneko ospakizunean

Ikus, gainera

• Espaloia Kafe Antzokia
• Ondarroako Kafe Antzokia
• Plateruena Kafe Antzokia
• Xaia (Urruña)

Kanpo estekak

Euskarazko Wikipedian bada atari bat, gai hau duena: Bilbo

• (Gaztelaniaz) Kafe Antzokiaren webgunea
• Bilboko Kafe Antzokiari buruzko artikulua ARGIAn
• Kafe Antzoki eta kultugruneei buruzko artikulua ARGIAn

• Datuak: Q12261187
• Multimedia: Kafe Antzokia (Bilbao) / Q12261187