Kakuetako arroila

Kakueta
Mota	arroila
Geografia
Koordenatuak	43°00′N 0°54′W
Mendikatea	Pirinioak
Estatu burujabe	Frantzia
Frantziaren banaketa administratiboa	Metropolitar Frantzia
Eskualdea	Akitania Berria
Departamendua	Pirinio Atlantikoak
Barruti	Oloroe-Donamariako barrutia
Kantonamendu	Atharratze-Sorholüzeko kantonamendua
Frantziako udalerri	Urdatx / Santa Grazi
Mendizaletasuna
Ohiko bidea	Santa Grazitik

Artikulu hau Zuberoako arroilari buruzkoa da; beste esanahietarako, ikus «Kakueta (argipena)».

Kakuetako arroila Santa Grazin (Zuberoan) kokaturik dagoen haitzebakia da, inguruko ikusgarrienetarikoa Holtzartekoekin batera.

Uhaitxa ibaiak 15.000 urtez erosioaren bidez eraturiko arroila da hau eta bi kilometro inguruko luzera du, hormen altuera puntu batzuetan 350 metroraino heltzen delarik. Arroila oso estua da, batzuetan horma bien artean 3 metrotako zabalera besterik ez baitago.

Turismorako guztiz prestaturik dago, bidezidor, helduleku eta abarrekoekin atonduta dagoelarik. Hori dela eta, edozeinek bisita dezake arroila. Dena dela, bisitatu ahal izateko, sarrera ordaindu beharra dago.

Bertako kondairak dio arroila Errolanen (Karlomagnoren iloba) ezpatarekin sortu izan zela.

Segurtasun-arrazoiak direla eta, arroila itxita egoten da azaroaren 15etik martxoaren 15erarte.

Iruditegia

• 
• 
• 
• 
• 
• 
• 
• 

Ikus, gainera

• Kakuetako ur-jauzia
• Holtzarteko arroilak
• Ehüjarreko arroila

Kanpo estekak

• Datuak: Q3110984
• Multimedia: Gorges de Kakouetta / Q3110984

Euskarazko Wikipedian bada atari bat, gai hau duena: Euskal Wikiatlasa