Kantabriera (antzinako hizkuntza)

Kantabriera
Datu orokorrak
Hiztunak	Hizkuntza hila
Eskualdea	iparraldeko Hispania
Hizkuntza sailkapena
giza hizkuntza indoeuropar hizkuntzak hizkuntza zeltak
Hizkuntza kodeak

Kantabriera antzinako kantabrien hizkuntza galdua da. Adituek zalantzan dute aurreindoeuropar ala indoeuroparra zenetz. Teoria hedatuenen arabera, K. a. VIII. mende inguruan sortu zuten, jatorrizko aurreindoeuropar herrien eta indoeuropar zelten gurutzaketaren ondorioz. Hala ere, Salvador Conejo bezalako adituek kantabriera, aitzineuskara eta karpetaniera Iberiar penintsulako zeltiberierarekin lotzen dituzte.

Edonola ere, zalantzazkoa da inguruko hizkuntzekin lotzea eta zeltarren aurreko aitzinkantabriera zela onartzen dute aditu gehienek.

Teoria nagusiak

• Antonio Tovar aurreindoeuropar substratuaren defendatzaile nagusietako bat da (1955), euskarak eta kantabrierak jatorri bera zutela defendatu zuena. Horretarako, Kantabriako onomastikan eta toponimian aitzineuskararekin loturiko adibideak proposatu zituen. Hala eta guztiz ere, zelten eragina onartzen du kantabrieran, baita hizkuntza indoeuropar familian sartzeko ere.

• Julio Caro Barojak topaturiko epigrafiari esker, indoeuroparra zela esan zuen, gensetan antolatzea zeltar jatorriaren ikurra zela argudiatuz; nolanahi ere, teoriak aurreindoeuropar ezaugarriak lekuz kanpo uzten ditu.

• Eduardo Peralta Labradorrek indoeuropar substratuaren defendatzailea da: K.a. II. milurteko eta K. a. 1000. urte arteko indoeuropar inbasioek sortua zela dio. Haren aburuz, hasierako "p" eta bokal artekoa mantentzea teoriaren euskarri nagusia da.

Kanpo estekak

• Datuak: Q2936550