Karl Malden

Karl Malden
	Irudi gehiago
Bizitza
Jaiotza	Chicago, 1912ko martxoaren 22a
Herrialdea	Ameriketako Estatu Batuak
Heriotza	Brentwood (en) , 2009ko uztailaren 1a; (97 urte) (97 urte)
Hobiratze lekua	Westwood Village Memorial Park Cemetery (en)
Heriotza modua	berezko heriotza: eritasuna
Hezkuntza
Heziketa	DePaul University (en) ; Stella Adler Studio of Acting (en)
Hizkuntzak	serbiera; ingelesa
Jarduerak
Jarduerak	telebista-aktorea, zinema aktorea, antzerki aktorea eta film-zuzendaria
Jasotako sariak	ikusi Taldeko gizonezko aktore onenaren Oscar Saria (1951) : A Streetcar Named Desire; Screen Actors Guild Life Achievement Award ; Primetime Emmy Award for Outstanding Supporting Actor in a Miniseries or a Movie (1985) : Fatal Vision (en) ; Izarra Hollywoodeko Ospearen pasealekuan ; Donaldson Awards ; Mary Pickford Award ;
Genero artistikoa	Westerna
Zerbitzu militarra
Parte hartutako gatazkak	Bigarren Mundu Gerra
	karlmalden.com

Karl Malden, jaiotze izenez Mladen George Sekulovich (1912ko martxoaren 22a, Chicago, Illinois - 2009ko uztailaren 1a, Brentwood, Los Angeles) estatubatuar aktore bat izan zen.

Familia

Karl Maldenen aita Petar Sekulović serbiar siderugia langilea eta esne-saltzailea, eta ama berriz Minnie Sebera txekiar jostun eta aktoresa izan ziren, Karl hiru semeetatik zaherrena izan zelarik. Chicagon jaio zen baina bost urte besterik ez zituela Indianako Gary herrira bizitzera joan ziren. Eskolan mutil ospetsua zen, institutoko saskibaloi taldeko izarra baitzen. Saskibaloi partida horietako batean bi aldizr sudurra puskatu eta harrezkero bere ibilbide osoan ezaugarri nagusietako bat izango zuen sudur desitxuratuarekin bizi izan da.

Eskola mailako zenbait antzezlanetan parte hartzen hasi zen. Graduazioaren ostean, eta bere aitaren urratsak jarraituz siderurgiaren alorrean lanean aritu zen lanean, baina bere lanarekin ez oso gustura egon ez, eta arte dramatikoa ikastera unibertsitatera joatea erabaki zuen. Han gerora bere emaztea izango zen Mona Greenberg ezagutu zuen. 1938an bikotea ezkondu eta bi alaba izan zituzten: Mila eta Carla.

Ibilbidea

1930. urte amaieran, antzerki aktore gisa Broadwayen arrakasta lortu zuen, eta geroago, 1940an bere lehenbiziko estreinaldi zinematografikoa egin zuen They knew what they wanted filmearekin. Bigarren Mundu Gerran parte hartu ostean, bere ibilbidearekin aurrera jarraitu zuen eta 1940ko hamarkada amaieran Elia Kazan zinema zuzendariaren Boomerang (1947) edo Kiss of Death (1947) bezalako filmetan ikusi ahal izan zen.

1950eko hamarkadan Karl Maldenen ibilbideak indar handia hartu zuen eta Otto Premingerren Where the Sidewalk Ends, Henry Kingen The Gunfighter, Alfred Hitchcocken I Confess edo Elia Kazan zuzendariaren A Streetcar Named Desire eta On the Waterfront bezalako filma garrantzitsuetan parte hartu zuen.

1960ko hamarkadako urteak artistaren ibilbidean arrakastatsuak izaten jarraitu zuten, nahiz eta aurreko hamarkadan baino garrantzia gutxiagoko filmetan parte hartu. Fear Strikes Out (1957), Pollyanna (1960), Birdman of Alcatraz (1962), How the West Was Won (1962) edo The Cincinnati Kid (1965) filmak antzeztu zituen.