Karl Ziegler

Karl Ziegler (Helsa, Alemania, 1898 - Mülheim, Alemania, 1973) alemaniar kimikaria izan zen.

Biografia

Marburgeko Unibertsitatean egin zituen ikasketak. Main, Heidelberg eta Halleko Unibertsitateetako irakasle izan zen, eta Kaiser Wilhelm Institutuko (gero Max Planck izan zena) zuzendari izan zen.

Karbono-kateei buruzko ikerketak egin zituen, gaur egun lurringintzarako oinarrizko direnak.

Bigarren Mundu Gerraren ondoren aluminio eta berunezko gai organometalikoei buruz hainbat ikerketa egin zituen. Ikerketa horietan "Zieglerren katalizatzailea" aurkitu zuen, olefinak molekula pisu astuneko eta oso egitura ordenatuko polimeroetara katalizatzeko erabilia.

1963an Kimikako Nobel saria irabazi zuen, Giulio Nattarekin batera.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.