Karlos Maria Borboi Austria-Estekoa

**Karlos Maria Borboi Austria-Estekoa**
Datu pertsonalak

Izen osoa	Carlos María de los Dolores Juan Isidro José Francisco Quirín Antonio Miguel Gabriel Rafael de Borbón y Austria-Este
Ezizena	Karlos VII.a
Jaio	1848ko martxoaren 30a
	Ljubljana ( Austriar Inperioa)
Hil	1909ko uztailaren 18a (61 urte)
	Varese ( Italia)
Bikotekidea(k)	Margarita Borboi-Parmakoa Berta Rohangoa

Karlos Maria Borboi Austria-Estekoa (Ljubljana, 1848ko martxoaren 30a – Varese, 1909ko uztailaren 18a), bere burua «Madrilgo duke» izendatua, Karlos VII.a Espainiakoa izenaz erregegai karlista izan zen (1868- 1909) eta baita Karlos XI.a Frantziakoa eta VI.a Nafarroakoa erregegai legitimista (1887–1909) ere.

1875eko Gernikako hitzaldia

Hirugarren gerra karlistan, Karlos VII.a ezaguna egin zen. Urte horietan Espainiako lehendakaria bezainbeste botere eta onarpen izan zuen. Orduan egin zuen hitzaldi hau:

- Karlos VII.ak 1875eko uztailaren 3an Gernikako Juntetxean foruak betetzea zin egin zuenean egindako hitzaldia:

≪Nire Bizkaiko Jaurerri txit noble eta txit prestuko elizate, uri, hiri eta kontzejuetako eskudunok.

Zuen foruak, usadioak eta ohitura onak betetzea zin egin ondoren, nire barruan dudan poza ikaragarria da; eta Europari begira ematen duzuen ikuskizuna itzela eta dotorea da, Jaun legitimoa duzuena zuen askatasunen zuhaitz sakratuaren azpian aldarrikatu duzue eta.

Eskerrak ematen dizkizuet nire izenean eta Espainia katolikoaren izenean; adoretsu eta kementsu ari da nire Kausaren alde, hau da, Jainkoaren eta nire Aberriaren kausaren alde.

Nire gogoa handitu egiten da hain ikuskizun ederraren aurrean eta laster,oso laster, garaipenerantz eramango ditut gudaroste saiatuak; eta borroka denboran, eta bai bake denboran ere, nire bihotzak gogoan izango zaituzte zuok eta zuon seme-alabak, hain eskuzabal jokatu eta odola borroka zelaietan isuri duzuenok (...)≫.

Ferren, M.: "Escritos políticos de Carlos VIÑI. Madril, Editora Nacional, 1957, 89.or.

Familia

Carlos María de los Dolores Juan Isidro José Francisco Quirín Antonio Miguel Gabriel Rafael de Borbón y Austria-Este bataiatua, aita Joan Karlos Maria Isidro Borboi eta Bragançakoa eta ama Beatrix Austria-Estekoa izan zituen. Gurasoak banatu zirenean, amarekin Modenan bizi eta gero Pragan, Venezia eta Vienan ikasi zuen.

1867an Margarita Borboi-Parmakoa ezkondu eta bost seme-alaba izan zituen: