Karnali ibaia

Karnali K'ung-ch'iao Ho (ch) Karnali (ne) Ghaghara (hi)
Datu orokorrak
Mota	ibai eta ur-laster
Luzera	1.080 km
Geografia
Koordenatuak	25°45′11″N 84°39′59″E
Herrialdea	India
Indiako estatua	Bihar
Hidrografia
Ibaiadarrak	ikusi West Rapti River (en) Babai River (en) Sharda River (en) Panjang River (en)
Arroaren azalera	127.950 km²
Arro hidrografikoa	Ganges Basin (en)
Bokalea ()	Ganges

Karnali edo Ghaghara ibaia (nepaleraz Karnali edo Kauriala, txineraz K'ung-ch'iao Ho, Indian Gogra edo Ghaghara). Karnali izenak ur turkesa esan nahi du.

Sorrera eta ibilbidea

Ganges ibaiaren adar handienetako bat da eta Nepalgo hiru ibai arro nagusietan mendebalderen dagoena. 1080 km-ko luzera du eta bere arroaren azalera 127.950 km²-koa da.

Tibeten

Tibeteko Manasarovar lakuan du sorrera, Txina, Nepal eta Indiaren arteko muga hirukoitzetik gertu. 3.962 metrotan du iturburua eta bide motza egin ondoren Burang herrian sartzen da Nepalen.

Nepalen

Karnali Gunean sartzen da eta Erdi-mendebaldeko eskualdea eta Mendebaldeko Urruneko eskualdearen artean zabaltzen da ibaiaren arroa. Hainbat ibaiadarrek isurtzen dituzte beren urak Karnali ibaia, mendebaldetik Doti ibaiak eta ekialdetik Seti ibaiak. Siwalik mendiak pasa ondoren ibaia kanal ugaritan banatzen da eta aurrera egin ahala bi adar nagusi sortzen doaz, Geruva ezkerrean eta Kauriala eskuman.

Indian

Uttar Pradesh estatuan sartzen dira Karnali ibaiaren adar biak baina muga pasa eta berehala egiten dute bat Ghaghara ibaia sortuz. Bihar estatuko mugatik gertu Ganges ibaiarekin elkartzen da.

Glaziarrak eta aintzirak

Himalaia nepaldarrean 3.252 glaziar daude eta 2.323 aintzira (3.500 metroko altueratik gora). Hauetatik herena Karnali ibaiaren arroan aurkitzen dira, zehazki esanda 1.361 glaziar eta 907 aintzira, 1.740,22 km²-ko azalera hartzen dutelarik eta 127,72 km³-ko izotz bolumena.

Kanpo estekak

• Datuak: Q390232
• Multimedia: Ghaghara River / Q390232