Kaukaso mendilerroa

Wikipedia(e)tik

Kaukaso mendilerroa Eurasiako mendilerroa da, Itsaso Beltza eta Kaspiar Itsasoaren artean kokatuta, Kaukaso eskualdean.

Mendilerroa espaziotik ikusita.

Kaukaso mendilerroa bi zatitan banatuta dago:

Kaukaso handiko mendiak. Hauek Itsaso Beltzaren ipar-ekialdeko kostaldean dagoen Sochi hiritik ekialde-hegoekialderantz jotzen dute Kaspiar Itsasoaren kostaldean dagoen Bakura arte.
Kaukaso txikiko mendiak. Hauek Kaukaso handiko mendien parean doaz baino 100 km hegoalderantz.

Bien arteak Likhi mendilerroa dago, Kolkhida sakonunetik Kura sakonunera doana. Mendilerroaren mendirik altuena 5.642 metroko Elbrus da, Kaukaso handiko mendietan dagoena. Sochik bere burua aurkeztu du 2014ko Neguko Olinpiar Jokoen egoitza izateko.

[aldatu] Kokapena

Kaukaso mendilerroa Europa edo Asiakoa den eztabaidan dago. Ikuspegi bakoitzaren arabera, Elbrus edo Alpeetako Mont Blanc Europako mendirik altuena izan liteke.

Geologikoki mendilerroa Eurasiaren erdian dago. Historikoki, greziarrentzat Bosforo itsasartea eta Kaukaso mendilerroa ziren Europako mugak. Erdi Aroan, berriz, Bosforoan eta Don ibaian kokatu zituzten. Philip Johan von Strahlenbergek 1730ean Errusiarako egindako ikerketan mendilerroa Asian kokatu zuen.

Politikoki, Europa eta Asia arteko muga, Europako Errusia eta Georgia eta Asiako Armenia eta Azerbaijan artekoa da, zehatzago, Kura eta Kvirila ibaiek sortzen dutena.

[aldatu] Mendirik altuenak

Elbrus mendia.

Hona hemen Kaukaso mendilerroaren mendirik altuenak. Mendilerroan badaude altuenak eta nagusienak baina izenik ez dutenez, ez dira hemen agertzen.

Izena	Altuera (m)	Gailurra (m)	Herrialdea
Elbrus	5.642	4.741	Errusia
Dykh Tau	5.205	2.002	Errusia
Shkhara	5.201	1.365	Georgia/Errusia
Koshtan Tau	5.152	822	Errusia
Janga	5.059	300	Errusia/Georgia
Kazbek	5.047	2,353	Georgia/Errusia
Pushkinn	5.033	110	Errusia/Georgia
Katyn Tau	4.979	240	Errusia/Georgia
Shota Rustaveli	4.860	50	Georgia/Errusia
Tetnuld	4.858	672	Georgia