Keike

Keike
Datuak
Jatorria	Ondarroa (Bizkaia)
Musika mota	rock
Urteak	2002 - 2007
Produkzioa
Diskoetxea(k)	Oihuka
Taldekideak
	Itsaso Gutierrez; Gorka Ruiz "Epi"; Nerea Sanchez; Denis Alberdi; Ion Kirru Iparragirre

Keike taldea 2002ko udan jarri zen abian Ondarroan. Boskoteak urte bereko negu hasieran bost abestiz osatutako maketa bat grabatu zuen.

Nabardura anitzeko rocka egiten dute. Kantu berean abiadura eta ardatz desberdinak erabiltzen dituzte. Euren lehen lana, Oinetan kea, gitarrez betea dago, orain oldarkor eta indartsuak, geroxeago lasaiak eta eztiaren parekoak. Ahotsean beste horrenbeste gertatzen da, Nerea abeslariak egiten dituen erritmo eta erregistro aldaketekin.

Zenbait aldaketekin datoz ondarrutarrak bigarren disko honetan: Axularren ordez, Itxaso, Jauko Barik taldekoak hartuko du gitarra. Kantuak, aldiz, zorrotzagoak dira oraingoan.

Keike taldeak rock ziztatzaile eta indartsua eskaintzen du. Gitarren pisua garrantzitsua da, baina Keike taldeak bi kontraste nagusi ditu. Alde batetik, Nerea abeslariak erabiltzen dituen ahotsaren bi kontzeptuak, batzuetan garratz eta zorrotz, besteetan goxo eta leun. Eta bestetik, musika eta ahotsaren arteko kontrastea; Keike taldearen rockak bi aldeen oreka oso ongi zaintzen du, hori baita euren ezaugarririk definitzaileena. Keike taldearen rocka bere indarrean samurki egokitzen da belarrietan eta samurtasun horrek Keike indartu egiten du.