Kenneth Boulding
Estatubatuar ekonomialaria (Liverpool, 1910 - 1993). Oxford Unibertsitateko New Collegen lortu zuen lizentziatura. 1941-1942 urteen bitartean Nazioen Elkarteko ekonomista izan zen. Eskozia, Kanada eta Estatu Batuetako hainbat erakundetako irakasle izan zen. 1949an, estatubatuar herritartasuna hartu eta handik urtebetera, Michigango Unibertsitateko Ekonomia Fakultatean sartu zen. Kuakeroa zen, eta bere bizitzaren parte handi batean nazioarteko bakearen aldeko lanetan eman zuen. 1959-1966 bitartean Michigango Unibertsitateko Gatazkak Bideratzeko Ikerketa Zentroko zuzendari izan zen. 1967-1980 urteetan eskolak eman zituen Coloradoko Unibertsitatean. Bouldingek idatzi zituen liburuen artean aipatzekoa da Maitasunaren eta izuaren ekonomia (1973).
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.