Killarneyko aintzirak

Wikipedia(e)tik
Hona jo: nabigazioa, Bilatu
Killarneyko aintzirak
Lakes of Killarney (en), Loch Léin (ga)
Lakes of killarney.jpg

Killarneuko aintziren irudia.

Kokalekua Killarney Parke Nazionala, Killarney
Kerryko konderria, Irlanda
Killarneyko aintzirak non dagoen adierazten duen Irlandako Errepublika-ko/-go/-eko mapa
Killarneyko aintzirak
Killarneyko aintzirak (Irlandako Errepublika)
Gehienezko sakonera 60 m
Uharteak Innisfallen uhartea
Hiriak Killarney.

Killarneyko aintzirak (ingelesez Lakes of Killarney, irlanderaz Loch Léin) Irlandako hego-mendebaldean dagoen Kerryko konderrian dauden aintzira multzo bat dira. Killarney Parke Nazionalaren barnean kokatzen dira, Killarney udalerritik oso hurbil. Hiru aintzira dira guztira, Leane aintzira, Muckross aintzira eta Upper aintzira. Ingurua menditsua da, eta bertan dago Irlandako mendirik garaiena den Carrauntoohil mendia (1.039m).

Leane aintzira[aldatu | aldatu iturburu kodea]

Hiruretan handiena da, 19 km²-ko azalera dauka. Irlanderazko Loch Léin izenak "ikasbidearen aintzira" esan nahi du, ziurrenik Inisfallengo uhartean zegoen monasterioari egingo dio erreferentzia. Aintziratik Laune ibaia ateratzen da Dingle badiarantz.

Inguruan dituen eraikinen artean aipagarriena Ross gaztelua da. Bestalde, hiru aintziren artean beheren dagoena izanik Killarney herria ere bertan dauka.

Ibilbideak markaturik daude oinez edo bizikletaz ibilaldiak egiteko. Txalupak ere aloka daitezke.

Muckross aintzira[aldatu | aldatu iturburu kodea]

Middle lake ere esaten zaio, beste bi aintziren artean baitago. Muckross izena Muckross abade-etxeak ematen dio. Owengarriff ibaiak 18 metrotako saltoa egiten du aintziran sartu aurretik. Urjauziaren izena "Torc waterfall" da. Dinis uharteak banatzen du Lane aintziratik.

Goiko aintzira[aldatu | aldatu iturburu kodea]

Ingelesez Upper lake, izenak dioen bezala altuen dagoen aintzira da, hiruretan txikiena ere bai. Long Range ibaiak elkartzen du Muckross aintzirarekin.

Iruditegia[aldatu | aldatu iturburu kodea]

Commonsen badira fitxategi gehiago, gai hau dutenak: Killarneyko aintzirak Aldatu lotura Wikidatan