King Ralph

King Ralph (euskaraz Ralph Erregea) 1991ko David S. Ward estatubatuar zinema zuzendari eta gidoigileak zuzendu eta idatzitako komedia filma bat da. Emlyn Williams galestar idazlearen Headlong eleberrian apur bat oinarritua dago, zinemarako egokitzapenean eleberriko istorioaren zati handi bat laga baitzen. John Goodman, Peter O'Toole, John Hurt eta Richard Griffiths aktoreek antzeztu zuten.

Argumentua

Oharra: Atal honek istorio osoa edo amaiera argitzen du.

Familiako argazki ofizial bat egiten ari diren bitartean Erresuma Batuko errege-erregin eta senideak zoritxarreko istripu batean elektrokutatuta hilko dira. Zuzeneko ondorengorik ezagutzen ez denez, Errege Etxeko ikerlariek bilaketa azkar baten ondoren Estatu Batuetan urrutiko ondorengo bat topatuko dute: Ralph Jones (John Goodman), Las Vegas hiriko ikuskizunetan pianojole eta komediante moduan lan egiten duen potzolo arduragabe, lotsagabe eta parrandazalea. Pero ocupar el trono supone un drástico cambio en su vida: se acabó la comida barata, las camisas hawaianas y las palabrotas. Baina hura gonbentzitu eta Ingalaterrara ekartzean dotore jantziarazi eta goi mailako hizkera eta jokamolde egokiak irakatsi beharko dizkiote. Nahiz eta Ralph bere lanpostu berriaren betekizun zorrotzetarako egokitzen saiatu, betiere bere benetazko maila apaleko izaera eta jokamoldeak gailenduko dira, baina dena hondamendira doala dirudien unean, Errege Etxeko arduradunak errege berri yankeeak britainiar maila apaleko jendearen begirunea bereganatuz doala jabetuko dira.

Aktoreak

John Goodman: Ralph Hampton Gainesworth Jones (ondoren Ralph I.a Erresuma Batukoa eta amaieran Warrengo 3. Dukea)
Peter O'Toole: Sir Cedric Charles Willingham (amaieran Cedric I.a Erresuma Batukoa)
John Hurt: Lord Percival Graves
Camille Coduri: Miranda Greene (amaieran Bere Graziazko Lady Miranda, Warrengo Dukesa)
Ann Beach: Mirandaren ama
Jack Smethurst: Mirandaren aita
Richard Griffiths: Duncan Phipps
Leslie Phillips: Gordon Halliwell
James Villiers: Geoffrey Haile, Lehen Ministroa
Joely Richardson: Anna Printzesa
Niall O'Brien: Thomas McGuire inspektorea
Julian Glover: Gustav Finlandiakoa Erregea
Judy Parfitt: Katherine Erregina
Leo Jean: Grampy
Gedren Heller: Neska punkya
Rudolph Walker: Mulambon Zambezikoa Erregea
Michael Johnson: Hamilton

Kanpo loturak

King Ralph filmaren iragarkia ikusgai. Youtube.com (Ingelesez)
King Ralph filmaren IMDBko fitxa irakurgai (Ingelesez)