Kinolona

Kinolonak edo fluorkinolonak antimikrobiano familia bat dira. Oso erabilgarriak eta erabiliak dira, eta daukaten arazo nagusia da erresistentzia tasa, hain zuzen ere.

Txizeko infekzioen aurkako farmakoak dira batez ere, biriketakoak tratatzeko ere ematen dituzten arren.

Sailkapena

Lau belaunaldietako kinolonak ditugu gaur egun.

Lehen belaunaldietakoak

Azido pipemidiko eta oxolinikoa dira, gaur egun asko erabiltzen ez direnak.

Bigarren belaunaldietakoak

Oraindik oso ohikoa den ziprofloxazinoa dugu talde honetan, norfloxazino eta ofloxazinoarekin batera.

Hirugarren belaunaldietakoak

Levofloxazinoa da kinolona berrien artean zaharrena, erabilera oso hedatua daukana eta batik bat neumoniak eta bestelako biriketako infekzioak sendatzeko ematen dena.

Laugarren belaunaldietakoak

Moxifloxazinoa da kinolona berrien artean berriena, Levofloxazinoaren espektro antzekoa daukana.

Alboko eraginak

Kinolonak nahiko antibiotiko seguruak dira, alboko eragin gutxi ematen dituztenak.