Klase (biologia)

Taxonomia biologikoan, klasea organismoen sailkapenaren maila taxonomiko bat da. Maila hau filumaren eta ordenaren artean dago.

Esaterako, Mammalia klasea (ugaztunak) Chordate filumaren barruan dago. Era berean, klase honen barruan Carnivora ordena (haragijaleak) dago.

Kontzeptuaren historia

Klase izeneko maila taxonomikoa Joseph Pitton de Tournefort frantziar botanikariak erabili zuen lehen aldiz, 1694an argitaratu zuen landare sailkapenean (Eléments de botanique). Carolus Linnaeusek bere erabilera orokortu zuen 1735ean argitaratu zen Systema Naturae liburuan, natura sailkatzeko sortu zituen hiru erreinuetan (alegia, mineraletan, landareetan eta animalietan) erabili baitzuen. Ordutik, klasea hierarkia taxonomikoaren mailarik altuena kontsideratu zen XIX. mendean filuma eta dibisioa bezalako maila goragoak sortu ziren arte.

i • e • a Taxonomia
Domeinua/Supererreinua	Superfiluma/Superdibisioa	Superklasea	Superordena	Superfamilia			Superespeziea
Erreinua	Filuma/Dibisioa	Klasea	Ordena	Familia	Leinua	Generoa	Espeziea
Azpierreinua	Azpifiluma	Azpiklasea	Azpiordena	Azpifamilia	Azpileinua	Azpigeneroa	Azpiespeziea
Infraerreinua	Infrafiluma	Infraklasea	Infraordena				Barietatea (bot.)
	Mikrofiluma