Klemente XIV.a

Wikipedia(e)tik
Hona jo: nabigazioa, Bilatu
Klemente XIV.a
Clemens PP. XIV
Klemente XIV.a

1769 – 1774
Aurrekoa Klemente XIII.a
Ondorengoa Pio VI.a
Jaiotzezko izena Giovanni Vincenzo Antonio Ganganelli

Jaiotza 1705eko urriaren 31a
Sant' Arcangelo di Romagna, Aita Santuen Lurraldea
Heriotza 1774ko irailaren 22a (68 urte)
Erroma, Aita Santuen Lurraldea
Erlijioa Eliza Katoliko Erromatarra

Klemente XIV.a[1], Giovanni Vincenzo Antonio Ganganelli, (Sant' Arcangelo di Romagna, 1705eko urriaren 31a - †Erroma, 1774ko irailaren 22a) Eliza Katolikoaren 249. Aita Santua izan zen 1769 eta 1774 urteen bitartean. Aukeratu zutenean, frantziskotar hautagai bakarra izan zen.

Jatorria eta prestakuntza[aldatu | aldatu iturburu kodea]

Giovanni Vincenzo Antonio Ganganelli izenarekin jaioa, Lorenzogatik aldatu zuena fraide frantziskotar bihurtu zenean, Lorenzo Ganganelli medikua eta honen emazte Serafina Maria Mazzaren lau seme-alabetatik txikiena zen.

Riminiko jesuiten eskola baten ikasi zuen, eta ondoren Urbinoko Eskolapioen eskolan. Frantziskotar Komentutarren ordenean sartu zen Forli probintziako Mondaino herrian. 1731n teologiako doktoretza lortu zuen Erromako La Sapienza unibertsitatean. Bere ordenaren definitzailea 1741ean, bi aldiz uko egin zion ordenaren generaltzari. Teologo bikain bat izan zen, baina baita, musikaria, olerkaria eta zaldun trebe bat ere.

Kardenaltza[aldatu | aldatu iturburu kodea]

1759an San Lorenzo in Panisperna tituluko kardenaltza sortua izan zen, 1762an Santi XII Apostoligatik aldatu zuena.

Aita Santutza[aldatu | aldatu iturburu kodea]

1769ko konklabean aita santu aukeratua izan zen. Aita Santuaren aukeraketa honetarako, zenbait borboitar monarkiek hurrengo aita santuak Jesusen Konpainia ezabatu behar zuela eskatu izana izan zen funtsezko gaia. Oraindik gotzaina ez zela, berehala sagaratu zuen Federiko Marcello Lante kardenalak, Porto-Santa Rufinako gotzaina eta Kolegio Kardenalizioko dekanordea, eta jarraian, Alessandro Albani kardenalak koroatua, Santa Maria in Via Latako protodiakonoa.

Bere aurreko aita santua izan zen Klemente XIII.ak Frantzia eta Espainiaren presioak jasan bazituen ere hauen Jesusen Konpainia desegiteko teman, Klemente XIV.a ez zen hain gogorra izan. Bere amore ematea, bakearen berrezartzearekin justifikatuz, 1773an Dominus ac Redemptor laburra onartu zuen, honen bidez Jesusen Konpainia desegina geratzen zelarik. Ekintza honen sari bezala aurretik Frantziak (Avignon eta Venesino konderria) eta Napolik (Benevento eta Pontecorvoko jaurerriak) frantziar eta espainiar erregen partez okupatutako lurraldeak itzuli zizkioten.

Heriotza[aldatu | aldatu iturburu kodea]

Erroman hil zen 1774ko irailak 22an. Vatikanotar Baseliza Patriarkalean hilobiratua izan zen. 1802an bere hondakinak Apostulu Santuen baselizara eramanak izan ziren, nongo kardenal titularra izan zen eta non zenotafio monumental bat eraiki zitzaion, Antonio Canova eskulturgile ospetsuaren lana izan zena.

San Malakiasen profeziek aita santu honi Visus velox (ikusmen sarkorra) bezala erreferentzia egiten diote, dirudienez, bere izpiritu bizi eta sarkorrari erreferentzia egiten dion aipamena. Akatsez, 1656ko Koloniako edizioan Ursus Velox (hartz azkarra) aipamena eman zitzaion.


Aurrekoa
Klemente XIII.a
Aita Santua
1769-1774
Ondorengoa
Pio VI.a

Kanpo loturak[aldatu | aldatu iturburu kodea]

Commons-logo.svg
Commonsen fitxategi gehiago dago honi buruz:
Klemente XIV.a

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Klemente XIV.a Aldatu lotura Wikidatan


Biografia
Italia
Artikulu hau Italiako biografia bati buruzko zirriborroa da. Wikipedia lagun dezakezu edukia osatuz.