Ko Samui

Koordenatuak: 9°30′N 100°00′E / 9.5°N 100°E / 9.5; 100
Wikipedia, Entziklopedia askea
Ko Samui
Datu orokorrak
Garaiera635 m
Motauharte
Luzera26 km
Zabalera21 km
Azalera228,7 km²
Geografia
Map
Koordenatuak9°30′N 100°00′E / 9.5°N 100°E / 9.5; 100
UTC orduaUTC+07:00
Honen parte daSamui archipelago (en) Itzuli
Herrialdea Thailandia
Thailandiaren banaketa administratiboaSurat Thani
AmphoeKo Samui
Ur-gorputzaThailandiako golkoa

Ko Samui (thailandieraz: เกาะสมุย, kɔ̀ʔ samǔj ahoskatua) Thailandiako uhartea da, Kra istmoaren ekialdeko kostaldean eta Surat Thani herritik gertu kokatuta. Thailandiako hirugarren uharterik handiena da: 228,7 km² azalera eta 47.874 biztanle ditu (2006).

Historia[aldatu | aldatu iturburu kodea]

Ko Samuiko lehenengo biztanleak duela hamabost mende agertu ziren, ziur asko Malasiar penintsula eta hegoaldeko Txinatik etorritako arrantzaleak. Izan ere, uhartea Txinako 1687 urteko mapa batean agertzen da, Pulo Cornam izenaz.

XX. mendeko bukaera arte, Samui isolatuta eta buruaskiko komunitatea zen, Thailandia kontinentalarekin harreman handirik ez zuena. Horregatik 1970eko hamarkadara arte ez zuen errepiderik.

Geografia[aldatu | aldatu iturburu kodea]

Samui Thailandiako golkoan dago, Surat Thani herritik 35 km ipar-ekialderantz. 60 uharte inguru ditu, tartean Ko Pha Ngan, Ko Tao edo Ko Nang Yuan.

Uharteak zirkulu itxura du, 15 km diametrokoa. Erdialdeko aldean mendi-oihana dago (Khao Pom mendia, 635m). Nathon hiriburua hego-mendebaldeko kostaldean dago.

Banaketa administratiboa[aldatu | aldatu iturburu kodea]

Administratiboki, Ko Samui Surat Thani probintziako barrutia (amphoe) da. Barrutia zazpi azpi-barrutietan (tambon) banatuta dago:

  1. Ang Thong
  2. Lipa Noi
  3. Taling Ngam
  4. Na Mueang
  5. Maret
  6. Bo Phut
  7. Mae Nam

Artea[aldatu | aldatu iturburu kodea]

Ko Samui izan zen eztei-bidaiarako proposamen bat 2000ko Meet The Parents pelikulan, Robert De Niro eta Ben Stiller protagonistak zituena.

Ko Samui The Beach pelikulako protagonistek zeharkatzen duen uhartea da. Baita ere, Burnout 3 bideo-jokoan agertzen da.

Kanpo estekak[aldatu | aldatu iturburu kodea]