Kolmogorov-Smirnov froga

Wikipedia(e)tik
Hona jo: nabigazioa, Bilatu

Estatistikan, Kolmogorov-Smirnov froga, labur K-S froga, lagin bat dimentsio bakarreko probabilitate banaketa jakin bati jarraitzen dion (lagin bakarreko K-S froga) edota bi lagin homogeneoak edo populazio berekoak diren (bi lagineko K-S froga) erabakitzeko froga edo kontraste estatistiko bat da. K-S froga egokitzapenaren doitasunerako froga ez parametriko bat da.

K-S frogak erabiltzen duen estatistikoa da banaketa funtzioen arteko distantzia maximoa da:

  • probabilitate banaketaren banaketa funtzioaren eta laginaren banaketa-funtzio enpirikoaren arteko distantzia maximoa, lagin bakarreko K-S frogaren kasuan, edota
  • bi lagineko K-S frogaren kasuan, dagozkien banaketa funtzio enpirikoen arteko distantzia maximoa.

Hipotesi nulupean, laginak emandako probabilitate banaketari jarraitzen dio (lagin bakarreko K-S froga) edota bi laginak populazio berekoak dira (bi lagineko K-S froga). Horrela, kalkulaturiko distantzia maximoa erreferentziazko balio bat baino handiagoa bada, hipotesi nulua baztertu eta laginak ezarritako banaketari jarraitzen ez diola (lagin bakarreko K-S froga) edota bi laginak populazio ezberdinekoak direla (bi lagineko K-S froga) erabaki behar da, erreferentziazko balioak datu kopuruaren eta aurrez ezarritako errore maila baterako. [1]

Erreferentziak[aldatu | aldatu iturburu kodea]

  1. Aurrez ezarri beharreko errorea hipotesi nulua egia izanik, bera baztertzeko probabilitatea da.