Konrad Zuse
![](http://upload.wikimedia.org/wikipedia/commons/thumb/d/da/Konrad_Zuse_%281992%29.jpg/220px-Konrad_Zuse_%281992%29.jpg)
Konrad Zuse (Berlin-Wilmersdorf, Alemania, 1910eko ekainaren 22a - Hünfeld, Alemania, 1995eko abenduaren 18a) ingeniari alemana, eta konputazioaren aitzindaria.
Zuseren lorpen handiena lehenengo ordenagailua (Z3) egitea izan zen (1941). Dena den, desadostasunak daude Z3a benetan lehenengo ordenagailua izan zen ala ez.
Plankalkül programazio-lengoaia ere diseinatu zuen 1945ean. Hala ere, hau ekarpen teorikoa izan zen batez ere, programazio-lengoaia hau ez baitzuen inplementatu eta ez zuen eragin zuzenik izan ordurako eginda zeuden programazio-lengoaietan.
1946an lehenengo ordenagailu-konpainia sortu zuen, eta Z4 ordenagailua eraiki zuen. Z4a izan zen merkaturatutako lehenengo ordenagailua (1950).
Bigarren Mundu Gerra dela-eta, Zuseren lanak zabalkunde txikia izan zuen Alemaniatik kanpo. Baliteke Zuseren lehenengo eragin dokumentatua 1946an izatea.
Z3 eta Z4ren erreplikak daude Municheko Natur Zientzia eta Teknologia Ereduen Alemaniar Museoan (Deutsches Museum), eta Z3ren beste erreplika bat dago Karlsruheko museo artistikoan (Zentrum für Kunst und Medientechnologie, ZKM).
Ikusi, halaber
Kanpo loturak
![]() |
Wikimedia Commonsen badira fitxategi gehiago, gai hau dutenak: Konrad Zuse ![]() |
- (Ingelesez) Konrad Zuseri buruzko informazioa
- (Ingelesez) Konrad Zuseren bizitza eta lana
- (Ingelesez) Konrad Zuse, lehenengo ordenagailuaren sortzailea
- (Ingelesez) Zuseren tesia