Konstantinoplaren erorialdia

Wikipedia(e)tik
Konstantinopolisko erorialdia» orritik birbideratua)
Hona jo: nabigazioa, Bilatu
Konstantinoplaren erorialdia
Otomandar-bizantziar gerrak
Siege of Constantinople.jpg
Konstantinoplako setioa, 1499an margotua.
Data 1453ko apirilaren 6a – 1453ko maiatzaren 29a
Lekua Konstantinopla
Emaitza Otomandar garaipena
Gudulariak
Flag of Palaeologus Dynasty.svg Bizantziar Inperioa
Flag of Genoa.svg Genovako Errepublika
Flag of the Ottoman Sultanate (1299-1453).svg Otomandar Inperioa
Buruzagiak
Konstantino XI.a Palaiologos
Loukas Notaras Skull and crossbones.svg
Giovanni Giustiniani
Mehmed II.a
Zaganos Pasha
Suleiman Baltoghlu
Indarrak
7.000[1]
26 itsasontzi[2]
200.000[3]
70 itsasontzi[2]
20 galera[4]
Galerak
4.000 erori[5] Ezezagunak

Konstantinoplaren erorialdia 1453ko apirilaren 6 eta 1453ko maiatzaren 29 arteko setioaren ondoren Mehmed II.a otomandar sultanaren Bizantziar Inperioko hiriburuaren konkista izan zen. Hiria Konstantino XI.a Palaiologos enperadoreak defendatu zuten.

Konstantinoplaren erorialdiak Bizantziar Inperioaren amaiera ekarri zuen, 1.100 urte baino gehiago iraun zuen Inperioarena. Galera kristautasunarentzat izugarrizko kolpea izan zen. Konkistaren ondorioz, Mehmedek Konstantinopla bere hiriburu berri bilakatu zuen. Greziar eta greziarrak ez ziren intelektual batzuek hiritik ihes egin zuten setioa baino lehen eta setioa eta gero, batez ere Italiara. Batzuen ustez, ihesaldiak pizkundea bultzatu zuen. Edonola ere, hiriaren eta inperioaren galerak Erdi Aroaren amaiera ekarri zuen[6].

Bizantziar Inperioa 1400 inguruan.

Konstantinoplaren arpilaketa eta Latindar Inperioa[aldatu | aldatu iturburu kodea]

Bizantziar Inperioko hiriburu Konstantinoplaren gainbehera 1190ean hasi zela esan daiteke, Mendebaldeko Erresumetan Hirugarren Gurutzadaren prestaketetan. Bizantziarrek, Egipto eta Siriako sultana eta Lur Santuan zeuden gurutzatuen etsai nagusia zen Saladino garaitzea ezinezkoa zela pentsatuz, neutral mantentzea erabaki zuten. Bizantziarren oztopo hau aitzakia hartuta eta Konstantinoplako altxorrenganako gutizia benetako arrazoi bezala, gurutzatuek asaltoan hartu zuten hiria 1204an, jada Laugarren Gurutzadan, 1261 arte iraun zuen Latindar Inperioa sortuz.

Bizantziarrek, jada euren hiriburu inperialik gabe, Estatu berriak sortu zituzten: Nizeako Inperioa, Trebisondako Inperioa eta Epiroko Despotatua izango ziren eragin handiena izango zutenak. Bitartean, gurutzatuek ezarritako erresuma lurraldeak galtzen joan zen. Azkenik, 1261ean, Nizeako Inperioak, Mikel VIII.a Paleologoren agintaldian hiria konkistatu zuen.

Defentsen indartzea[aldatu | aldatu iturburu kodea]

Gurutzatuen erasoak argitara eman zuen hiriko defentsek zuten puntu ahul bat. Hiriaren mendebaldean zeuden harresi boteretsuek inbaditzaile persiar, germaniar, abaro, huno, bulgariar eta errusiarren erasoak atzera bota zituzten (22 setio orotara) mendeetan zehar, baina kostaldearen inguruan zeuden harresiak, bereziki Urrezko Adarraren inguruan (Konstantinopla iparraldean duen Pera herritik banatzen duen kanal bat) oso hauskor agertu ziren. Hiria berreskuratu ondoren bizantziarrek kostaldeko harresiak eta defentsak itsasontziak portuetara sartzeko irekita egon behar ziren tokietan indartu zituzten. Urrezko Adarreko defentsengatik arduratu beharrik ez zutela izango ziurtatzeko, kanala zeharkatzen zuen burdinazko kate handi eta astun bat eraiki zen, honela, bizantziar guardiaren baimenik gabe handik itsasontzi bakar batek ere pasatzerik izango ez zuelarik.

Otomandar Inperioaren sorrera[aldatu | aldatu iturburu kodea]

Laugarren Gurutzadaren aurretik ere, Bizantziar Inperioa mende batzuk lehenagotik lurraldeak galtzen ari zen Afrika eta Ekialde Ertainean herri eta estatu musulmanen bultzadaren ondorioz. XI. mendearen hasieran Asia Erdialdetik zetorren eta gaur egun Ekialde Ertaina denaren zati handi batean agintzen zuen tribu turkiar batek, seljukarrak erasotzen eta Anatolian lurralde bizantziarrak konkistatzen hasi zen. XIII. mendearen amaieran seljukarrek jada Anatoliako ia hiri bizantziar guztiak hartu zituzten, penintsularen ipar-mendebaldeko hiri bakan batzuk izan ezik.

Garai hartan, Kayitarrek, beste klan erdi-nomada turkiar bat zena, Persiako ipar-ekialdeko Khorasanetik mendebaldera joan zen, eta, seljukarren alde eginez Anatolian Mongoliar Inperioaren aurka gertatu zen gudu batean, turkiar garaipena erabaki zuen. Ala al-Din Kay Qubadh I.a seljukar sultanak, esker on bezala, bere liderra zen Ertuğruli inperioaren ipar-mendebaldean zegoen lurralde menditsu bat eman zion Söğüt izeneko lurralde bizantziarretik gertu. Seljukar estatua, handik gutxira, seljukar eta mongoliar botereak onartzen ez zituzten emirerri txikietan banatzen hasi zen. Emirerri hauetako bat, seljukarrei lagundu zien turkiar klanarena, Osman I.a Gazi (Ertuğrulen semea zena eta otomandar edo Osmanliar Dinastiari izena emango ziona) deituriko lider baten agintepean beranduago Otomandar Inperioaren jatorrizko sorgunea izango zena.

Erreferentziak[aldatu | aldatu iturburu kodea]

  1.   Runciman, Steven (1965), The Fall of Constantinople, 1453, Cambridge: Cambridge University Press, 85. orrialdea, ISBN 0-5213-9832-0 .
  2. a b Nicolle, David. Constantinople 1453: The end of Byzantium. Oxford: Osprey Publishing, 2000, 45. orr.
  3.   Norwich, John Julius (1997), A Short History of Byzantium, New York: Vintage Books .
  4.   Mesut Uyar & Edward J. Erickson (2009), A military history of the Ottomans: from Osman to Atatürk, 37. orrialdea .
  5. George Sphrantzes. The Fall of the Byzantine Empire: A Chronicle by George Sphrantzes 1401-1477. University of Massachusetts Press, 1980. ISBN 978-0-87023-290-9.
  6.   Crowley, Roger (2006), Constantinople: The Last Great Siege, 1453, Faber, ISBN 0-571-22185-8 .
Commonsen badira fitxategi gehiago, gai hau dutenak: Konstantinoplaren erorialdia Aldatu lotura Wikidatan