Kontrainsurjentzia

Kontrainsurjentzia subertsio egoera batean aginteak horren aurka egiteko burutzen dituen ekimen sozial, politiko eta militarren multzoa da, biztanleria osoa inplikatuz bereziki propaganda, diplomazia publikoa, errepresio politikoa eta estatu-terrorismoa barnehartzen dituena. Historian zehar anitz izan dira kontrainsurgentzia operazio eta kanpainak, bereziki gerra eta iraultza garaietan. Adibidez, ezaguna da Ameriketako Estatu Batuek bultzatu eta sustaturiko gerretan, Irak eta Afganistanen buruturiko kontrainsurgentzia kanpainak.

Hego Euskal Herrian, euskal gatazkaren urteetan, frankismoaren garaietatik espainiar estatuak kontrainsurjentzia sustatu, bultzatu eta sortu zuen. Espainiako Gobernuak ordaindutako pertsona hauei "inkontrolatuak" deitu ohi zitzaien eta beraien ekintzei "gerra zikina" izena eman zitzaien.