Kontxako Bandera

Kontxako Bandera

Kontxako badia, Donostia. Euskal Herria 2012ko Kontxako Banderako txapeldunak: Kaiku (Sestao) (gizonezkoak) Galizia (Rias Baixas) (emakumezkoak)
1933ko estropadako une bat.
Kirola	Arrauna
Sorrera urtea	1879
Partehartzaileak	TKE Ligako klub guztiak eta KAE Liga eta Ipar-mendebaldeko Traineruen Ligako klub onenak gonbidatuak daude
Antolatzailea	Donostiako Udala
Saria	Kontxako Bandera
Kontxako Banderaren webgunea

Kontxako Bandera Donostiako Kontxako badiatik abiatuta jokatzen den estropada ospetsua da. 1879. urtean ospatu zen lehen aldiz eta, horrela, egun Bizkaiko golkoko estropada zaharrena da. 117 edizio izan ditu, eta guztira 733 traineru lehiatu dira bertan historian zehar.

Arraunaren Olinpiada ezizena jaso ohi du, estropada denetan ospetsuenetakoa baita. Izena traineru irabazleak garaikur moduan jasotzen duen Donostiako bandera handi brodatutik dator. Iraileko lehen bi asteburuetan jokatzen da, zortzi traineruren artean; lehen igandearen aurreko ostegunean, erlojuaren aurkako sailkapen estropada bat egiten da, zortzi horiek zehazteko.

Estropada ikusi eta euren traineruak animatzeko, hirira 100.000 pertsona inguru bertaratzen dira eta Kantauri itsasoko kostaldeko milaka jarraitzaile Donostiako kaian, Pasealeku Berria, Santa Klara uhartea, Urgull eta Igeldo mendien magaletan biltzen dira, horietako asko beren traineruen kolorez jantzita. Bestalde, egun horretan kalean nahiz tabernetan artekariak eta apustulariak ere izan ohi dira. Estropadaren ondoren, Donostiako Parte Zaharrean jai giroan biltzen dira jarraitzaile guztiak.

2008tik aurrera, emakumezkoen Kontxako Bandera ere jokatzen da lau traineruren artean.

Ezaugarriak

Traineruak 1921eko Kontxako Banderan

Estropada honetan era tradizionalean arraunean egiten da, hau da, 4 traineru luzeko txanda bi, hiru itsas milia eta egun bitan. Joan-etorri bakarreko (ziaboga bat) estropada da. Irteera balizak Kontxako hondartzatik gertu eta kanpokoak Kontxako badiatik at daude.

Estropadan parte hartzeko, lehenengo jardunaldiaren aurreko ostegunean sailkapen estropada egiten da. Erlojuaren aurkako estropada honetan, TKE Ligako klub guztiak eta KAE Liga eta Ipar-mendebaldeko Traineruen Ligako klub onenak gonbidatuta daude. Sailkapen estropada honetako zazpi traineru onenak Kontxako Banderan parte hartzen dute. Zortzigarren trainerua anfitrioia da, berez, Donostiako talde bat. Donostiako talde bakarra badago, zuzenean sailkatzen da, baina, gehiago badaude, Aste Nagusian egiten den erlojuaren aurkako estropada bateko irabazlea da hautatua.

Historia

Aurrekariak

Sakontzeko, irakurri: traineru eta estropada

Euskal Herrian estropadak bizimodu jakin baten ondorioz sortu ziren: itsaso irekiko arrantza nahiz arrantzaleen bizimodua eta giroa. Traineruen eskifaiak ordu luzez arraunean aritzeko gai ziren gizaseme sendoez osatuak zeuden; traineruetan arrantza-guneetara iritsi eta behin arraina ontziratu ondoren, martxa egin eta bizi-bizi porturantz itzultzem ziren, bertan arraina enkantean lehenbailehen saltzeko asmoz.

Denbora igaro ahala, eta jada XIX. mendean, ontzietan motorrek giza indarra ordezkatu zuten. Baina, urte askotan zehar, arraunak eta estropadek arrantza munduarekin estuki lotuta jarraitu zuten. Euskal Kostaldeko arraunlari onenak arrantza sektoreko arrantzale profesionalak ziren. Gaur egun ere, nahiz eta arraunlarien artean mota askotako kirolariez osatuak egon, arrantzale usadio luzea duten udalerrietako elkarteetan taldekatu ohi dira arraunlariak: Hondarribia, Pasai Donibane, Pasai San Pedro, Donostia, Orio, Getaria, Zumaia, Ondarroa, Bermeo, Sestao, Santurtzi...

Kontxako Bandera

Kontxako Bandera ez zen izan traineruen arteko lehenengo estropada, baina gaur egun urtero egiten direnen artean zaharrena da. Datu historikoen arabera, 1871an Hondarribia eta Pasaiak elkarren arteko desafioa jokatu zuten: Hondarribiatik Donostiaraino pasaitar eta hondarribitarrak nor lasterragoan aritu ziren, azkenik pasaitarrak nagusituz.

Lehenengo edizioa 1879an jokatu zen, Donostiako Udako Jai Egitarauko beste osagai bat besterik ez zen. Estropada horretan, aurretik beraien nagusitasuna erakutsi eta diruaren truke desafioetan lehiatu ohi ziren udalerrietako traineruek parte hartu zuten; horregatik, Donostiako Udalak lehen aipatutako Hondarribia eta Pasaiako traineruak gonbidatu zituen. Iraileko igande hartan ospatutako estropadaren arrakastaren eta hirira bertaratutako jendetza andanaren ondorioz, Donostiako Udalak ondorengo urteetako jai egitarauetan estropadak sartzea eragin zuen.

1946ko Kontxako Bandera.

Geroztik, Gerra Zibilean eta XIX. mendeko bukaerako eta XX. mendeko hasierako urte batzuetan izan ezik, urtero jokatu izan da Kontxako Bandera.

Arraun munduan egun duen garrantzia ikusita harrigarria bada ere, 1882-1888, 1902-1907 eta 1912-1914 urte bitartean ez zen Banderarik izan, batzuetan traineruak parte-hartzeko interesatuak ez zeudelako eta beste hainbat ikamika ere izan zirelako. Bestalde, hainbat urtetan Donostiako udalarentzat kategoria gutxiko kirola omen zen arrauna; horien ordez belaontzien estropadak egin zituzten XX. mendeko hasierako urte horietako batzuetan. Hala ere, herrian zuen indarra ikusita, urte apur horietako eten txikia gainditu zen, eta traineru estropadak antolatzen jarraitu zen.

1950eko hamarkada inguruko urte batzuk ere ez ziren batere errazak izan antolatzaileentzat. Urte latzak izan ziren arraun kirolarentzat: apenas ontzirik eratzen zen lehiarako, eta Donostiako antolatzaileek herriz herri bila joan behar izaten zuten, tripulazioak eratu eta Donostiara joan zitezen, Bandera bertan behera ez uzteko. Arraunarentzat oso urte latzak ziren haiek, eta Donostiak antolakuntzan egindako ahaleginari esker jarraitu zuen aurrera estropada hark. Gerora, indarra berreskuratzen hasi zen, arraunketa indarberritzearekin batera. Gaur egun, TKE Liga eta bestelako ligak eratuta dauden arren, Kontxako Bandera irabazteak urte osoa justifikatzen duen ospea ematen du oraindik ere.

Araudia

Urtero iraileko lehenbiziko bi igandetan jokatu ohi da, eguerdiko hamabietan: zortzi traineruekin launako bi txanda egiten dira, eta lehen igandeko lau denbora onenak lortzen dituzten traineruak bigarren igandeko txanda nagusira igarotzen dira, ohorezko txandara. Bi igandeetako denborak batuz eratzen da azken sailkapena.

Estropadak 3 itsas miliako distantzia klasikoa du, baina lau luzeren ordez, ziaboga bakarra eta bi luze izan ohi dira Kontxan.

Horiek oinarrizko arauak dira. Beste arau gehigarriak ere badaude, urteak pasatu ahala garai ezberdinetara moldatuz joan diren arauak. Honela, 1950-70 hamarkadetan Donostiako Udalak jarritako traineruetan aritu behar izan zuten klubek. Diseinu bereko traineruak ziren 300 kg baino gehiagoko Ikatzeta traineru astun hauiek. Gaur egun 200 kilo inguruko ontziak erabiltzen dira (ezin dira 200 kilo baino arinagoak izan).

Arraunlariak

1987an Zumaia udalerriko Aita Mari Arraun Elkarteak irabazitako Kontxako Bandera ikusgai.

Arraunlariak eta euren elkarteekiko loturari dagokionez, Kontxako Banderako araudia garaien arabera aldatuz joan da. Honako urte hauek gutxi gorabehera Kontxako Banderan arraunlariei elkarte batean arraun egiteko eskatzen zitzaizkien eskakizunak adierazten dituzte:

• 1879-1912: Arrantza traineruko lan-talde edo kuadrillan ohiko kidea izatea.
• 1913-1928: Ordezkatzen zen udalerriko arrantza industrian jardutea.
• 1929-1958: Traineruak ordezkatzen zuen udalerriko bizilaguna izatea.
• 1958-1976: Ordezkatzen zen udalerria edo elkartea kokatzen zen ibai-arroan bizitzea.
• 1976tik aurrera: Kontratazio askatasuna eta arraun egiten zen arraun taldean fitxa edukitzea.

Saria: Bandera

Gaur egun Donostiako Banderaren egilea Itziar Alduntzin donostiarra da, lan honetan bakarka azken 13 urteetan aritu izan delarik. Eginkizun hau hiri honetako Etxaide kalean jostun-tailerra zuen Maruja Carballorekin 8 urtez ikasi zuen, eta gero bere gain hartu zuen garaikurra bordatzeko ardura.

Bitxikeriak

Donostiako Banderari buruzko hainbat datu:

• Bandera egiteko behar den oihal kopurua: 7 metro eta erdi.
• Erabilitako haria: Urdina (6000 m.); Urre Zaharra (2500 m.); Hainbat Kolore (2000 m.)
• Erabilitako denbora: 400 ordu inguru.
• Langile kopurua: Itziar Alduntzin eta laguntzaile bat.

Estatistikak

Herriak lorturiko banderen arabera

Herria	Banderak
Orio	31
Pasai San Pedro	15
Donostia	14
Pasai Donibane	10
Hondarribia	10
Sestao	8
Getaria	5
Pedreña	4
Castro Urdiales	4
Santurtzi	3
Ondarroa	2
Aginaga	2
Lasarte	2
Astillero	2
Bermeo	2
Pasaia (La Union)	1

Patroiak lorturiko banderen arabera

Patroia	Banderak	Taldeak
Manuel Arrillaga "Aita Manuel"	10	San Pedro, Pasaia
Juan Lizarralde "Altxerri"	6	Orio
Frantzisko Zubiaurre "Kiriko"	5	Donostia
Manuel Olaizola	5	Orio
Ignacio Sarasua	5	Orio
Jose Angel Lujanbio	5	San Juan, Hondarribia
Juan Mari Lujanbio	5	San Juan, Donibaneko, Castro
Francisco Arregi	4	Getaria
Domingo Mitxelena	4	Orio
Klaudio Etxeberria "Gorria"	4	Aginaga, Orio, Lasarte, Zumaia
Norberto Torres "Txirri"	4	Kaiku
Juan Carlos Fontan	4	San Pedro

Denbora onenak (jardunaldi bat eta bi jardunaldiak)

Kluba	Denbora	Urtea
Castro	18:59.94	2006
Astillero	19:05.02	2006
Astillero	19:09.10	2005

Kluba	Denbora	Urtea
Castro	38:13.32	2006
Astillero	38:24.92	2006
Kaiku	38:28.36	2012

Jarraian irabazitako edizioen errekorrak

Errekorra	Kluba	Banderak
Edizio kontsekutiboak	Donostia	7 (1883-1894 bitarteko denak)
Urte kontsekutiboak	San Pedro	6 (1927-1932 bitartean)

Emakumezkoen Kontxako Bandera

Sakontzeko, irakurri: Emakumezkoen Kontxako Bandera

2008ko irailean Emakumezkoen lehenengo Kontxako Bandera egin zen. Zortzi taldek hartu zuten parte, hiru gipuzkoarrek, bizkaitar batek, kantabriar batek, galiziar batek eta bi kataluniarrek. Emakumezkoen Kontxako Bandera 2.778 metrotara (1,5 itsas milia) jokatzen da, gizonezkoen erdia, eta irabazleak 4.000 €ko saria jasotzen du. Sailkapena erlojupeko estropadan egiten da eta lau onenek finalean parte hartzen dute. Hasierako ekitaldietan iraileko bigarren igandean jokatu bazen ere 2011etik aurrera bi jardunaldi izaten ditu estropadak.

Bandera jokatu den bost edizioetan Galizia izan da garaile.

Edizio guztietako irabazleak

Gizonezkoak

Edizioa	Urtea	Garailea	Trainerua	Patroia
XIX. mendean
I	1879 Gehiago	Donostia	Lequeitiarra	Juan Kruz Karril
II	1880 Gehiago	Pasai San Pedro	??	Sarria
III	1881 Gehiago	Hondarribia	??	Leon Berrotaran
-	1882	-
IV	1883 Gehiago	Donostia	??	??
-	1884	-
-	1885	-
-	1886	-
V	1887 Gehiago	Donostia	Guipuzcoana	Jose Mari Iturriza
-	1888	-
VI	1889 Gehiago	Donostia	Guipuzcoana	Luis Karril
VII	1890 Gehiago	Donostia	Cariño	Luis Karril
VIII	1891 Gehiago	Donostia	Illar-azala	Frantzisko Zubiaurre "Kiriko"
IX	1892 Gehiago	Donostia	Amigos	Frantzisko Zubiaurre "Kiriko"
-	1893	-
X	1894 Gehiago	Donostia	Amigos	Frantzisko Zubiaurre "Kiriko"
XI	1895 Gehiago	Getaria	N.Sª. de la Paz	Francisco Arregi
XII	1896 Gehiago	Getaria	Esperanza	Francisco Arregi
XIII	1897 Gehiago	Donostia	Ramon y Saturnina	Francisco Silva
XIV	1898 Gehiago	Ondarroa	Flora	Manuel Beitia
XV	1899 Gehiago	Pasai San Pedro	Ver y creer	Lucas Iturralde
XVI	1900 Gehiago	Getaria	Angel de la Guarda	Domingo Cobeñas
XX. mendean
XVII	1901 Gehiago	Orio	Lersundi	Manuel Olaizola
-	1902	-
XVIII	1903 Gehiago	Getaria	Zorrilla	Francisco Arregi
-	1904	-
-	1905	-
XIX	1906 Gehiago	Pasai San Pedro	Nacimiento de Jesus	Bixente Sarria
-	1907	-
-	1908	-
XX	1909 Gehiago	Orio	Virgen del Mar	Manuel Olaizola
XXI	1910 Gehiago	Orio	Virgen del Mar	Manuel Olaizola
XXII	1911 Gehiago	Getaria	Guipuzcoana	Francisco Arregi
-	1912	-
-	1913	-
-	1914	-
XXIII	1915 Gehiago	Donostia	Luis Esperanza	Patxi Bakeriza "Soterotxo"
XXIV	1916 Gehiago	Orio	San Nicolas	Manuel Olaizola
XXV	1917 Gehiago	Pasai San Pedro	Sanpedrotarra	Manuel Arrillaga "Aita Manuel"
XXVI	1918 Gehiago	Donostia	Koruko Amabirjina	Frantzisko Zubiaurre "Kiriko"
XXVII	1919 Gehiago	Orio	San Nicolas	Manuel Olaizola
XXVIII	1920 Gehiago	Donostia	Nuestra Sra. del Carmen	Frantzisko Zubiaurre "Kiriko"
XXIX	1921 Gehiago	Pasaia	La Unión	Manuel Arrillaga "Aita Manuel"
XXX	1922 Gehiago	Donostia	Nuestra Sra. del Carmen	Patxi Bakeriza "Soterotxo"
XXXI	1923 Gehiago	Orio	San Nicolas	Antonio Maria Uranga
XXXII	1924 Gehiago	Pasai Donibane	Juanita	Francisco Laboa "Matxet"
XXXIII	1925 Gehiago	Orio	San Nicolas	Antonio Maria Uranga
XXXIV	1926 Gehiago	Ondarroa	Antigua´ko Ama	Juan B. Beitia
XXXV	1927 Gehiago	Pasai San Pedro	Sanpedrotarra	Manuel Arrillaga "Aita Manuel"
XXXVI	1928 Gehiago	Pasai San Pedro	Aita Sanpedrokua	Manuel Arrillaga "Aita Manuel"
XXXVII	1929 Gehiago	Pasai San Pedro	Aita Sanpedrokua	Manuel Arrillaga "Aita Manuel"
XXXVIII	1930 Gehiago	Pasai San Pedro	Aita Sanpedrokua	Manuel Arrillaga "Aita Manuel"
XXXIX	1931 Gehiago	Pasai San Pedro	Aita Sanpedrokua	Manuel Arrillaga "Aita Manuel"
XL	1932 Gehiago	Pasai San Pedro	Aita Sanpedrokua	Manuel Arrillaga "Aita Manuel"
XLI	1933 Gehiago	Orio	San Nicolas	Domingo Mitxelena
XLII	1934 Gehiago	Orio	San Nicolas	Domingo Mitxelena
XLIII	1935 Gehiago	Pasai San Pedro	Sanpedroko berria	Manuel Arrillaga "Aita Manuel"
-	1936	-
-	1937	-
-	1938	-
XLIV	1939 Gehiago	Orio	??	Antonio Maria Uranga
XLV	1940 Gehiago	Orio	San Nicolas	Jose Mari Urdangarin
XLVI	1941 Gehiago	Hondarribia	Ama Guadalupekoa	Roman Agirre
XLVII	1942 Gehiago	Orio	San Nicolas II	Domingo Mitxelena
XLVIII	1943 Gehiago	Hondarribia	??	Pedro Gonzalez
XLIX	1944 Gehiago	Orio	??	Domingo Mitxelena
L	1945 Gehiago	Pedreña	Cantabria	Jose Bedia
LI	1946 Gehiago	Pedreña	Castilla	Jose Bedia
LII	1947 Gehiago	Hondarribia	Ama Guadalupekoa	Bernardo Elduaien
LIII	1948 Gehiago	Hondarribia	Ama Guadalupekoa	Bernardo Elduaien
LIV	1949 Gehiago	Pedreña	Cantabria	Jose Bedia
LV	1950 Gehiago	Donostia	San Vicente	Antonio Korta "Pintxan"
LVI	1951 Gehiago	Orio	??	Ignacio Sarasua
LVII	1952 Gehiago	Orio	??	Ignacio Sarasua
LVIII	1953 Gehiago	Orio	??	Ignacio Sarasua
LIX	1954 Gehiago	Iberia (Sestao)	??	Jose A. Arraiz
LX	1955 Gehiago	Orio	??	Ignacio Sarasua
LXI	1956 Gehiago	Pasai Donibane	??	Jose Angel Lujanbio
LXII	1957 Gehiago	Aginaga	??	Ramon Arreseigor
LXIII	1958 Gehiago	Orio	??	Ignacio Sarasua
LXIV	1959 Gehiago	Iberia (Sestao)	??	Manuel Arraiza
LXV	1960 Gehiago	Aginaga	??	Klaudio Etxeberria "Gorria"
LXVI	1961 Gehiago	Pasai Donibane	Sanjuandarra	Bibiano Etxabe
LXVII	1962 Gehiago	Pasai Donibane	??	Bibiano Etxabe
LXVIII	1963 Gehiago	Pasai Donibane	??	Bibiano Etxabe
LXIX	1964 Gehiago	Orio	??	Klaudio Etxeberria "Gorria"
LXX	1965 Gehiago	Hondarribia	??	Jose Angel Lujanbio
LXXI	1966 Gehiago	Hondarribia	??	Jose Angel Lujanbio
LXXII	1967 Gehiago	Hondarribia	??	Jose Angel Lujanbio
LXXIII	1968 Gehiago	Hondarribia	??	Jose Angel Lujanbio
LXXIV	1969 Gehiago	Lasarte	Lasarte-Michelin	Klaudio Etxeberria "Gorria"
LXXV	1970 Gehiago	Orio	??	Juan Lizarralde "Altxerri"
LXXVI	1971 Gehiago	Orio	??	Juan Lizarralde "Altxerri"
LXXVII	1972 Gehiago	Orio	??	Juan Lizarralde "Altxerri"
LXXVIII	1973 Gehiago	Lasarte	Lasarte	Antonio Oliden
LXXIX	1974 Gehiago	Orio	San Nikolas	Juan Lizarralde "Altxerri"
LXXX	1975 Gehiago	Orio	San Nikolas	Juan Lizarralde "Altxerri"
LXXXI	1976 Gehiago	Pedreña	Pedreña	Ruben Laso
LXXXII	1977 Gehiago	Santurtzi	Sotera	Koldo Urtiaga
LXXXIII	1978 Gehiago	Kaiku (Sestao)	Bizkaitaŕa	Norberto Torres "Txirri"
LXXXIV	1979 Gehiago	Santurtzi	Sotera	Koldo Urtiaga
LXXXV	1980 Gehiago	Kaiku (Sestao)	Jarrillera	Norberto Torres "Txirri"
LXXXVI	1981 Gehiago	Kaiku (Sestao)	Bizkaitaŕa	Norberto Torres "Txirri"
LXXXVII	1982 Gehiago	Kaiku (Sestao)	Bizkaitaŕa	Norberto Torres "Txirri"
LXXXVIII	1983 Gehiago	Orio	San Nikolas	Juan Lizarralde "Altxerri"
LXXXIX	1984 Gehiago	Zumaia	Telmo Deun	Klaudio Etxeberria "Gorria"
XC	1985 Gehiago	Santurtzi	Sotera	Jesus Fernandez Cirilo "Roque"
XCI	1986 Gehiago	Pasai Donibane	Erreka	Juan Mari Lujanbio
XCII	1987 Gehiago	Zumaia	Telmo Deun	Edu Aristi
XCIII	1988 Gehiago	Pasai Donibane	Erreka	Juan Mari Lujanbio
XCIV	1989 Gehiago	Pasai San Pedro	Libia	Juan Carlos Fontan
XCV	1990 Gehiago	Pasai Donibane	Erreka	Juan Mari Lujanbio
XCVI	1991 Gehiago	Pasai San Pedro	Libia	Juan Carlos Fontan
XCVII	1992 Gehiago	Orio	San Nikolas	Jose Luis Korta
XCVIII	1993 Gehiago	Pasai San Pedro	Libia	Juan Carlos Fontan
XCIX	1994 Gehiago	Pasai San Pedro	Libia	Juan Carlos Fontan
C	1995 Gehiago	Donibaneko (Pasai Donibane)	La Navarra	Juan Mari Lujanbio
CI	1996 Gehiago	Orio	Kanpa	Juan Mari Larrañaga "Txiki"
CII	1997 Gehiago	Orio	Kanpa	Jose Luis Korta
CIII	1998 Gehiago	Orio	Kanpa	Juan Mari Larrañaga "Txiki"
CIV	1999 Gehiago	Koxtape (Pasai Donibane)	Erreka	Joseba Arbona
XXI. mendean
CV	2000 Gehiago	Orio	Kanpa	Oskar Rodriguez
CVI	2001 Gehiago	Castro	La Marinera	Jose Luis Korta
CVII	2002 Gehiago	Castro	La Marinera	Juan Mari Lujanbio
CVIII	2003 Gehiago	Astillero	San Jose XII	Izortz Zabala
CIX	2004 Gehiago	Astillero	San Jose XII	Izortz Zabala
CX	2005 Gehiago	Hondarribia	Ama Guadalupekoa	Joseba Amunarriz
CXI	2006 Gehiago	Castro	La Marinera	Cristian Garma
CXII	2007 Gehiago	Orio	San Nikolas	Irakoitz Etxeberria
CXIII	2008 Gehiago	Castro	La Marinera	Iker Gimeno
CXIV	2009 Gehiago	Kaiku (Sestao)	Bizkaitarra	Asier Zurinaga
CXV	2010 Gehiago	Urdaibai (Bermeo)	Bou Bizkaia	Asier Arego
CXVI	2011 Gehiago	Urdaibai (Bermeo)	Bou Bizkaia	Gorka Aranberri
CXVII	2012 Gehiago	Kaiku (Sestao)	Bizkaitarra	Cristian Garma

Emakumezkoak

Edizioa	Urtea	Garailea	Patroia
XXI. mendean
I	2008	Galizia	Laura Hermo
II	2009	Galizia (Rias Baixas)	Laura Hermo
III	2010	Galizia (Rias Baixas)	Laura Hermo
IV	2011	Galizia (Rias Baixas)	Laura Hermo
IV	2012	Galizia (Rias Baixas)	María Gil

Trainerak Donostiako portuan, 2012.

Trainera prestatzeke.

Festa giroa: Parte Zaharreko Portu kalea Kanpandegi kaletik ikusia, 2005eko Kontxako estropadaren egunean.

Iruditegia

• 

  Aita Mari Arraun Elkartea (Zumaia).

• 

  Urdaibai Arraun (Bermeo).

• 

  Hondarribia Arraun Elkartea (Hondarribia).

• 

  Kaiku Arraunaren Kirol Elkartea (Sestao).

• 

  Getariako Arraun Elkartea (Getaria)

• 

  Arkoteko trainerua 2007ko Kontxako Banderarako sailkapen estropadan.

Bibliografia

AGUIRRE, Rafael (2002): Donostiako Estropadak (1879 - 2001) Regatas de la Concha. Donostia: Kutxa Fundazioa, ISBN 84-7173-414-1

Kanpo loturak

• Webgune ofiziala
• Kontxako Banderaren webgune bat, urte guztietako parte hartzaileak, denborak eta bestelako datuak eskaintzen ditu.
• (Gaztelaniaz) Kontxako Banderari buruzko dokumentala ikusgai. Canal+. Youtube.com
• Argazki galeria Kontxako Banderako argazki zahar ugari, Gipuzkoako Foru Aldundiaren Gure Gipuzkoa webgunean.