Kordobako emirerria

Kordobako emirerria إمارة قرطبة Imārat Qurṭuba
756 – 929 Emirerria
Kordobako emirerria, ca. 929
Hiriburua	Kordoba
Hizkuntza(k)	Andalustar arabiera
Erlijioa	Islam
← Aurrekoa Omeiatar Kaliferria Ondorengoa → Kordobako kaliferria

Kordobako emirerria (arabieraz: إمارة قرطبة, Imārat Qurṭuba) Iberiar Penintsulako konkista musulmanaren ondorengo probintzia musulmana zen, Damaskoko kaliferriaren babespean zegoen. Bertako gobernadoreek wali edo emir titulua zuten.

Historia

750an, abasidarrek omeiarrak hartu zituzten mendean eta leinuako kide guztiak erailtzea agindu zuten. 756an, Abderraman I.a omeiarrak Damaskotik ihes egin eta Al Andalusera joan zen. Hantxe Kordoba konkistatu eta 773an Bagdad abasidarren boteretik independentzia aldarrikatzen du. Independentzia politika eta administratiboa bada, erlijioan kalifaren menpean baitago.

Hala ere, emirerriaren antolatzailea Abd ar-Raman II.a zen, penintsula islamera bilakatu zuena mozarabeen kopurua gutxituz. Hala ere, kristauek ez zuten amore eman eta errekonkista hasi zuten.

Abderraman III.aren agintaldia 912an hasi zenean, egoera politikoa guztiz txarra zen. Bere autoritatea finkatzeko 929an kalifa izendatu eta Kordobako kaliferria hasi zen.

Kordobako emirrak

Zbk.	Izena	Agintaldia
1.a	Abderraman I.a	756-788
2.a	Hisham I.a	788-796
3.a	Al Hakan	796-822
4.a	Abderraman II.a	822-852
5.a	Mohamed I.a	852-886
6.a	Al Mundir	886-888
7.a	Abdulah I.a	888-912
8.a	Abderraman III.a	912-929