Korres

Korres
Araba
Herria	Arraia-Maeztu
Korres Korres
Koordenatuak:	42°41′56″N 2°25′58″W

Korres Arabako ekialdean dagoen herria da, Mendialdeako eskualdean eta Arraia-Maeztuko udalerriaren barruan kokaturik. 2007ko urtarrilaren 1eko erroldaren arabera, 25 biztanle ditu.

709 metroko altueran dugu.

Historia

Gaztela eta Nafarroako Erresumaren arteko mugan egonda, Portiellako gaztelua edo Mairuena eraiki zuten, Erdi Aroko guduen lekuko.

Borroka haiek amaiturik, 1204an Gaztelako Alfontso X.a Jakituna erregeak herriari foruak eman zizkion. Ondorengo mendeetan, Korresen jabetza Gaonatarrena lehenik, Lazkanotarrena ondoren eta Valmedianoko Markesarena azkenik izan zen.

1960ko hamarkadan utzi zion udalerri independentea izateari.

Demografia eta biztanleria

Korresko biztanleria

2000	2001	2002	2003	2004	2005	2006	2007
35	34	31	28	25	24	24	25

Ondasun nabarmenak

Herrigunean, Erdi Aroko kaleak eta herribilduaren aztarnak nabarmenak dira. Bestela, San Eztebe eliza ikustekoa da, XVI. mendean eraikia eta XVIII. mendean berriztatua.

Azkenik, Harkaitzeko Ama Birjinaren baseliza jatorriz erromanikoa herriko hegoaldeko sarreran dugu.

Izki

Korres Izkiko Natura Parkearen barruan dago kokatuta, eta herria ohiko abipuntua da Soila (993 m) eta Muela (1.055 m) mendiak egiteko.

Jarduerak

Jarduera tradizionalak abeltzaintza eta ikazkintza izan dira, baina XX. mendearen hasieran San Ildefonsoko meategiak asfalto ustiatzeari ekin zion eta elektrizitatea hornitzeko presa bat ere eraiki zuten herrian.

Kanpo loturak

• (Gaztelaniaz)(Euskaraz) Korresez Arraia-Maeztuko udal webgunean