Kronborg gaztelua

Wikipedia(e)tik
Hona jo: nabigazioa, Bilatu
Kronborg gaztelua1
UNESCOren gizateriaren ondarea
Helsingoer Kronborg Castle.jpg
Mota Kulturala
Irizpideak iv
Erreferentzia 696
Kokalekua Danimarka Danimarka
Eskualdea2 Europa eta Ipar Amerika
Izen ematea 2000 (XXIV. bilkura)
1 UNESCOk jarritako izen ofiziala (euskaratua)
2 UNESCOren sailkapena
Kronborg gazteluaren airetiko ikuspegia

Kronborg gaztelua (danieraz Kronborg Slot) Danimarkako Helsingør herrian kokaturik dagoen gaztelua da. Mundu mailan famatua egin zen bertan inspiratu zelako William Shakespeare idazle ingelesa Hamlet idazterako orduan. Parean daukan Suediako Helsingborgekin batera Itsaso Baltikorako sarrera kontrolatzeko eraiki zen itsasarteko aduanak emandako dirua erabiliz.

Historia[aldatu | aldatu iturburu kodea]

Pomeraniako Erik erregeak Øresund itsasartea igarotzeko itsasontziek bidesaria ordaindu behar zutela erabaki zuen, eta hau gauza zedin 1420. urtearen inguruan gotorleku bat eraiki zuen, Krogen izena jarri ziona. 1585. urtean Frederik II erregeak gotorlekua handitzea erabaki zuen eta Kronborg Slot izena jarri zion gazteluari. Europan zegoen berpizkundeko gaztelu handiena zen orduan. 1629. urtean su hartu zuen eta Kristian IV.ak berreraikitzeko lan handiak egin arren gazteluaren barnealdeak ez zuen garai bateko dotorezia eskuratu. 1658. urtean suediarrek erasotu zuten eta gazteluak ahulguneak erakutsi zituenez 1688 eta 1690 artean kanpoko izar itxurako harresiak eraiki zituzten, garaiko Europako gaztelurik indartsuena kontsideratua izan zelarik.

1739 eta 1900 artean Kronborg gaztelua kartzela izan zen. Preso entzutetsuak ere izan zituen, tartean Danimarkako Caroline Mathilde erregina.

2000. urtean Unescok Gizateriaren Ondare izendatu zuen Kronborg gaztelua.

Kanpo loturak[aldatu | aldatu iturburu kodea]

Koordenatuak: 56°2′19″N 12°37′19″E / 56.03861°N 12.62194°E / 56.03861; 12.62194

Commons-logo.svg
Commonsen fitxategi gehiago dago honi buruz:
Kronborg gaztelua