L'Osservatore Romano

Wikipedia(e)tik
Hona jo: nabigazioa, Bilatu
LOsservatore Romano.jpg

L'Osservatore Romano (euskaraz: "Erromako behatzailea") Vatikano Hiriko egunkari ofiziala da. 1861ean sortu zen, Elizaren Estatuen, katolizismoaren eta Aita Santuaren defentsa apologetikoa egiteko.

Hasieratik gaur arte italieraz argitaratu izan da, egunero. Horrez gain, astekariak ere baditu, beste hizkuntza batzuetan: ingelesez, alemanez, frantsesez, portugesez, gaztelaniaz, baita hilabetekari bat ere polonieraz.

Italierazko egunkariak, Elizako eta Vatikanoko albisteei ez ezik, nazioarteko albisteei ere lekua egiten die, batez ere gatazka eta gerra gogorrenak jasaten dituzten herrietakoei (Ekialde Hurbila eta Sahara azpiko Afrika batez ere). Gai moraletan Elizaren doktrina betetzen du zehatz mehats, baina gai politikoetan neutrala izaten ahalegintzen da.

Egunkaria formatu handian plazaratzen da baina orrialde gutxi izaten ditu (12-14 orrialde inguru), noizean behingo gehigarriak kontuan izan gabe. Gainera, publizitaterik gabe finantzatzen da.

Kanpo loturak[aldatu | aldatu iturburu kodea]