2. linea (Bilboko metroa)

L2 Basauri - Kabiezes
	; L2ko Abandoko geltokia haitzulo motatakoa da, Metro sarearen bereizgarri.
Datu orokorrak
Garraio mota	Metro (garraiobidea)
Eskualdeak	Nerbioi ibarra, Bilboaldea eta Ezkerraldea
Geltokiak	25
Bidaiariak	62.171.476 (2016)
Jabea	Bizkaiko Garraio Partzuergoa
Egoitza	Bilboko Metroaren egoitza; Nafarroa Kalea, 2;; 48001 Bilbo
Webgunea	http://www.metrobilbao.eus
Ustiapena
Hasiera	2002ko apirilaren 13a
Eragilea	Metro Bilbao S.A.
Ibilgailuak	24 UT-500, 13 UT-550, 9 UT-600
Ibilgailuen luzera	72,120 m (UT 500, UT 550) ; 90 m (UT 600)
Maiztasuna	5′ 6′ 6′40″ 10′ 20′ 30′
Datu teknikoak
Luzera	22,985 km
Galiboa	1 m
Abiadura maximoa	80 km/h
Mapa
Mapa

Bilboko metroaren 2. linea Basauriko geltokian hasi eta Kabiezesko geltokian bukatzen da, eta bidetik Etxebarri, Bilbo eta Bilboko itsasadarraren Ezkerraldetik igarotzen da. Lineak 25 geltoki ditu.

Lineak tarte amankomuna dauka 1. linearekin, Etxebarri eta San Ignazioko geltokien artean. Tarte amankomuneko geltoki guztiak lurpekoak dira, Etxebarri eta Boluetako geltokiak izan ezik. Bestalde, San Ignaziotik Kabiezesera arteko tartea, hots, berezko 2. linea, 2002an hasi zen gauzatzen, eta tarte honetan geltoki guztiak dira lurpekoak, Urbinagako geltokia izan ezik.

Linearen proiektuak Ortuella udalerrian bi geltoki gaineratzea aurreikusten du, Eusko Jaurlaritzaren Ingurumen eta Lurralde Politika Sailak argitaratutako Kabiezeseko kotxetegien informazio-azterlanaren arabera.

Historia[aldatu | aldatu iturburu kodea]

Linea irekitzea[aldatu | aldatu iturburu kodea]

2002ko apirilaren 13an Bilboko metroaren 2. linea inauguratu zen, Metro sarera 5 geltoki berri gaineratuz eta Ezkerraldea Metro sarera konektatuz. San Ignazio - Urbinaga tartea irekitzearekin batera, San Ignazio eta Boluetako geltokiaren arteko tartea amankomuna bilakatu zen 1. eta 2. lineentzako, bi lineen tren unitateez baliatuz Bilbo udalerrian Metro maiztasuna bikoiztea lortuz. Honela, Bilboko metroaren 2. linea martxan jarri zen.

Lehenengo luzapena[aldatu | aldatu iturburu kodea]

2005eko urtarrilaren 8an Juan José Ibarretxe Lehendakariak Etxebarriko geltokia inauguratu zuen 1. eta 2. lineen tarte amankomunean, eta kontrako muturrean Sestaoko geltokia ere ireki zen.

Bigarren luzapena[aldatu | aldatu iturburu kodea]

2007ko urtarrilaren 20an Metroa Portugalete udalerrira heldu zen, Abatxolo eta Portugaleteko geltokiak inauguratuta, 2. lineako adarraren muturrean.

Hirugarren luzapena[aldatu | aldatu iturburu kodea]

2009ko uztailaren 4an 2. linea Santurtzira luzatu zen, Peñota eta Santurtziko geltokiak inauguratuta, 2. lineako adarraren muturrean.

Laugarren luzapena[aldatu | aldatu iturburu kodea]

2011ko otsailaren 28an Patxi López Lehendakaria eta José Luis Bilbao Bizkaiko ahaldun nagusiak Basauri udalerrian Arizko geltokia inauguratu zuten, 1. eta 2. lineen geltoki-buru bihurtuz. Geltokiaren irekiera behin-behinekoa izan zen, geltokian tren unitateek ezin baitute trenbide gurutzadura egin. Hala, hasiera batean nasa bakar batean zerbitzu ematea pentsatu zen, hurrengo geltokia, Basaurikoa alegia, martxan jarri arte, non trenbide gurutzadura egin baitaitekeen. Arizko geltokiaren irekitze data aurreikusi zenean trenbide bakarra zegoen eraikita, baina bigarren trenbidea zerbitzuan jartzeko lanak aurreratu eta bi nasetan zerbitzu ematea erabaki zen, nahiz eta aipatutako trenbide gurutzadura egitea posible ez izan. Bi nasak martxan jarri zirenez, maiztasunak 10 minututik 5 minutura handitu ziren.

Bosgarren luzapena[aldatu | aldatu iturburu kodea]

2011ko azaroaren 11n Basauriko geltokia zerbitzuan jarri zen, geroztik Ariz - Basauri tartea 2. lineari baino ez dagokiola, 1. linearen geltoki-burua berriro ere Etxebarriko geltokia izatera pasaraziz. Gaur egun, Basauriko geltokia 2. linearen ekialdeko geltoki-buru da.

Seigarren luzapena[aldatu | aldatu iturburu kodea]

2014ko ekainaren 28an Kabiezesko geltokia inauguratu zen, gaur egun 2. linearen mendebaldeko geltoki-buru dena.

Hurrengo luzapenak[aldatu | aldatu iturburu kodea]

Bilboko metroaren 2. lineak bi geltoki gehiago izango ditu, Urioste eta Ortuellakoak, alegia. Uriosteko geltokiari lotuta disuasio-aparkalekua eraikiko du Bizkaiko Garraio Partzuergoak.

Lehen fasean Uriosten eraikiko diren kotxetegien ondoan 84 plazako disuasio-aparkalekudun geraleku bat egingo da, trenbide eta nasa bakarrekoa. Gainera, autobus geltoki bat ere prestatuko da, eta anezka zerbitzu batek geralekua, Urioste eta Ortuella lotuko ditu, bertako biztanleria Metro sarera hurbilduz. Ballontiko ardatza gauzatzen denean A-8 autobidearekin lotura egingo da eta aparkalekua handituko da, 580 plaza lortuko direla.

Bigarren fasean, 2. linea Ortuellako erdigunera luzatuko da.^[2]

Geltokiak martxan jartzean 2. lineak 25,5 km-ko luzera eta 27 geltoki izango ditu.