La Ley Innata

La Ley Innata
Fitxategi:La Ley Innata.jpg
Extremoduro taldearen estudioko albuma
Argitaratze data	2008ko irailaren 9a
Musika mota	Rock, rock sinfonikoa
Iraupena	45:08
Hizkuntza	Gaztelera
Diskoetxea	Warner Music
Ekoizpena	Iñaki “Uoho” Antón
Extremoduro taldearen kronologia
Grandes éxitos y fracasos (2004) La Ley Innata (2008) Material Defectuoso (2011)

La ley innata Extremoduro rock talde extremeñoaren estudioko 9. albuma da, Iñaki “Uoho” Antónek ekoiztua, eta 2008an DROk argitaratua.

2008ko irailaren 9an kaleratu zuten, nahiz eta lehen abestia, "Dulce introducción al Caos", aurreko hilabeteetatik beraien web orrialdean zintzilikatuta egon, eta bigarren abestia, "Primer movimiento: el Sueño", 2008ko biran zehar jo zuten.

Kaleratu zenetik salmenta arrakasta handia izan zuen. Argitaratu zen astean, Espainiako disko salduena izatea lortu zuen. Aste batean zehar lehen postuan egon ondoren (Metallicaren aurretik, bi diskoak kaleratu ziren astean), Hurrengo bi asteetan 2. postuan egon zen Melendi aurretik zegoela, Extremoduroren zale amorratua den.

Diskoak abesti bakarra du, sei zati desberdinetan zatitua, erreproduzitzaile digitaletan errazagoa izateko. Abesti bakarreko disko baten idea 1995eko Pedrá diskoan gauzatu zuten, baina ez zegoen zati desberdinetan zatitua.

Aipatzekoa da "Coda flamenca (otra realidad)" kantua, Robek, taldeko buruak, Espainia hegoaldeko berezkoa den musika mota horri abesten dion lehen aldia delako. Gainera, 2008ko birako Sevillako kontzertuan abesti horren zatitxo bat jo zuen.

Beste alde batetik, "Tercer movimiento: lo de dentro" abestia albumeko zati gitarreroena da, Extremoduroren soinuaren adibide argiena izanik, nahiz eta ukitu experimental batzuk dituen, hala nola, Ara Malikianek zuzendutako orkestraren erabilera.

Latinezko esaldia eta izenburua

Albumaren portadan albumaren izenburuarekin erlazionatuta dagoen latinezko esaldi bat agertzen da: "Est enim ivdices haec non scripta sed nata lex qvam non didicimvs accepimvs legimvs vervm ex natvra ipsa arripivimus havsimvs expressimvs ad qvam non docti sed facti non institvti sed imbvti". Cicerónen esaldia dela uste da, eta diskoaren barrualdean agertzen den itzulpenaren arabera hau esan nahi du: "Existe, de hecho, jueces, una ley no escrita, sino innata, la cual no hemos aprendido, heredado, leído, sino que de la misma naturaleza la hemos agarrado, exprimido, apurado, ley para la que no hemos sido educados, sino hechos; y en la que no hemos sido instruidos, sino empapados". Euskaraz: "Existitzen da, berez, epaileak, idatzita ez dagoen lege bat, berezko lege bat baizik, zein ikasi, oinordetu, irakurri ez duguna, baizik eta naturatik eutsi, ustiatu, uzkurtu duguna, lege honetarako irakatsiak baizik, eginak izan garelako; eskolatuak baizik, xurgatu egin duguna".

Abesti zerrenda

Znbk.	Izenburua	Ahotsa	Iraupena
1.	"Dulce introducción al caos"	Roberto Iniesta	7:42
2.	"Primer movimiento: el sueño"	Roberto Iniesta	6:03
3.	"Segundo movimiento: lo de fuera"	Roberto Iniesta	11:43
4.	"Tercer movimiento: lo de dentro"	Roberto Iniesta	7:36
5.	"Cuarto movimiento: la realidad"	Roberto Iniesta	5:49
6.	"Coda flamenca (otra realidad)"	Roberto Iniesta	6:14

Kanpo estekak

• Datuak: Q3312384