Lakuntza

Lakuntza
Nafarroa
Izen ofiziala	Lakuntza
Estatua Erkidegoa Merindadea Eskualdea	Espainia Nafarroako Foru Erkidegoa Iruñeko merindadeaa Sakana
Alkatea	??? (Bildu)
Herritarra	lakuntzar
Koordenatuak	42°55′17″N 2°1′24″W
Eremua	10,95 km2
Garaiera	485 m
Distantzia	36 km Iruñera
Posta kodea	31830
Biztanleria	1.252 bizt. (2012)
Dentsitatea	114,34 bizt./km²
http://www.lakuntzakoudala.com

Lakuntza Nafarroako udalerria da. Iruñeko merindadeko herri honek 1.252 biztanle zituen 2012ko urtarrilaren 1eko erroldaren arabera. Nafarroako hiriburutik 36 kilometrora dago.

Inguru naturala eta kokapena

Beriain mendia Lakuntzatik ikusia.

Herria Nafarroa iparraldean kokatzen da, Iruñeko merindadearen iparraldean. Sakanako autobideak zeharkatzen du. Herriko gunerik altuenak honakoak dira: Zopolar, Arangun, Arranz, Urrizmendi eta Beriain mendia.

Lakuntzak Arruazurekin egiten du muga ekialdean, eta Arbizurekin mendebalde eta hegoaldean.

Ekonomia

Garai batean, nekazaritza, abeltzaintza eta zurgintza ziren Lakuntzako ekonomiaren oinarriak. Herriko lur gehienetan ortuak eta animalien bazkarako larreak zeuden. Landatzen ziren barazkien artean, patata, artoa, eta zerealak zeuden; zurgintzarako zuhaitzen artean, berriz, pagoa eta haritza ziren nagusi.

1849. urtearen inguruan, behiak, ardiak, zaldiak eta zerriak hazten ziren Lakuntzan. Urteek aurrera egin zuten heinean, ordea, nekazaritzak garrantzia galdu eta industrializazio prozesuaren lehen eraginak heldu ziren Lakuntzara. Gaur egun, herritar gehienek herriko industrietan egiten dute lan, zurgintza eta metalezko gai eraldatuen inguruko lantegietan.

Demografia

Lakuntzako biztanleria

1897	1900	1910	1920	1930	1940	1950	1960	1970	1981	1991	2001	2006
753	757	766	741	755	752	723	910	1.060	1.037	960	1.038	1.105

2008ko erroldaren arabera, 62 etorkin bizi ziren herrian, biztanleriaren %5,49 (Nafarroako batez bestekoaren azpitik).

Azpiegitura eta garraioak

La Burundesa autobus konpainiaren Sakanako herriak lotzen dituen Gasteiz-Iruñea lineak geltokia dauka herrian. Guztira hiru zerbitzu izaten dira norabide bakoitzean. Linearen ibilbidea honakoa da:

• Gasteiz - Ilarratza - Argomaiz - Agurain - Munain - San Roman - Ibarguren - Andoin - Olatzagutia - Ziordia - Altsasu - Urdiain - Iturmendi - Bakaiku - Etxarri Aranatz - Arbizu - Lakuntza - Arruazu - Uharte Arakil - Irañeta - Ihabar - Hiriberri - Etxarren - Irurtzun - Eritze - Saratsa - Añezkar - Berriobeiti eta Iruñea

Politika

Udal hauteskundeak

Lakuntzako alkatea Jose Ramon Garin Lizarraga da 2007ko udal hauteskundeez geroztik. Urte horretan Eusko Abertzale Ekintzaren izenean hautatu zuten. Udaleko bederatzi zinegotzietatik sei lortu zituen EAEk, gehiengo osoa. Baliogabeko botoak sei izan ziren (emandako guztien %0,80) eta boto zuriak hogei (botoen %2,68). Abstentzioa %18,06koa izan zen.

Lakuntzako Udala-2007

Alderdia	Botoak	Zinegotziak
Eusko Abertzale Ekintza	438	6
Eusko Alkartasuna	269	3

2011n bi zerrenda aurkeztu ziren; Bilduk berea erretiratu zuen eta Lakuntzaileok espainiar epaitegiek legez kanpo utzi zuten. Hortaz, Garinek segitzen du jarduneko alkate.

Udaletxea

• HELBIDEA: Herriko Plaza, 1

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007
2007-2011	Jose Ramon Garin Lizarraga	Eusko Abertzale Ekintza
2011-	Jose Ramon Garin Lizarraga	Jardunean

Jaiak eta ospakizunak

Lakuntzak honako egunetan ospatzen ditu bere jaiak:

• San Saastinak: urtarrilaren 20an.
• Lakuntzako feriak: abuztuko hirugarren astean.
• Corpus Christi - Bestaberri: Corpus Christi egunean.

Ikus, gainera

• Nafarroako udalerrien zerrenda

Kanpo loturak

• (Euskaraz) Lakuntzako udalaren webgunea.
• (Gaztelaniaz) Lakuntzari buruzko informazioa Nafarroako Gobernuaren webgunean.
• Lakuntzako Abla kalea Google Street View-n.