Lanaren Konfederazio Orokorra (Frantzia)

Lanaren Konfederazio Orokorra (Frantzia)
Datuak
Mota	national trade union center (en)
Jarduera sektorea	activities of employee unions (en)
Herrialdea	Frantzia
Jarduera
Kidetza	Munduko Federazio Sindikala, European Trade Union Confederation (en) eta Q115453126
Agintea
Idazkari orokorra	Sophie Binet
Prentsa-organoa	La Vie Ouvrière (en)
Legezko forma	employees' trade union (en)
Historia
Sorrera	1895
	webgune ofiziala;

Lanaren Konfederazio Orokorra^[1] edo CGT (frantsesez: Confédération générale du travail) Frantziako sindikatuen elkarte bat da. Limogesen sortu zen 1895an. Mugimendu sindikalaren erabateko autonomia aldarrikatu bazuen ere Amiensem 1905ean, CGT ezkerreko alderdien eta joera desberdinen arteko tirabiren mendean egon da. 2.000.000 kidek osatzen zuten 1920. urtean. Urte hartarako deitutako grebak arraskatarik izan ez zuela eta, anarkosindikalistek eta komunistek sindikatua utzi eta Conféderation générale du travail unitaire (CGTU) sortu zuten (1921) eta Hirugarren Internazionalean sartu ziren 1923an.

1936ko biltzarrean bat egin zuten berriz, eta CGTk bere egin zuen Frente Popularraren programa. 1940. urtean, Vichyko gobernu alemanen zaleak legez kanpo utzi zuen sindikatua. Gerra bukatu ondoren, komunistak geratu ziren sindikatuaren buru; horren ondorioz, anarkosindikalistek Conféderation National du Travail delakoa (CNT) sortu zuten 1946an, eta erreformistek CGT-FO (Force Ouvrière, 1948. urtean. 600.000 kide ditu gaur egun). CGT Frantziako lehen sindikatua da gaur egun: 1.600.000 kide ditu.

1981. urtean CGT barruko tirabirak areagotu egin ziren. Bi idazkarik dimisioa aurkeztu zuten: sindikatuaren ekimenak PCF alderdiaren interesen mendekoak zirela adierazi zuten. Eta egoera horrek ez zuen onera egin 1981-1984 urteen bitartean gobernuan ministro komunistek parte hartu zuten garaian. 1982an Henri Krasucki Konfederazioko idazkari orokor izendatu zuten. Komunistek Fabiusen gobernuan parte hartzeari uko egin ziotenean, CGTk gogor egin zuen lehendakariaren eta lehen ministroaren politikaren kontra. 1985ean, Konfederazioa lanbide arteko ekimenen jardunaldi nazionalak antolatzen hasi zen berriz ere (1980az geroztik etenak). 1986an ikasleen mugimenduaren alde egin zuen, eta saiatu zen burdinbideko langileen greba sektore publikoetara eramaten. CGTk indar handia egin zuen Gizarte Segurantzaren alde 1987an. 1992an Henri Krasuckik Louis Vianneti utzi zion lekua.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.