Lapurdiko Ermandadea

Lapurdiko Ermandadea —frantsesez, Armandat (du pays de Labourd)— 1396. urtean, Lapurdin, Hego Euskal Herriko lurraldeetan egiten zenaren irudira, gaiztaginen ekinari aurre egiteko sortu zen erakunde armatua. Joanes Gantekoa Akitaniako dukeak eta Henrike IV.a Ingalaterrako erregeak onartu zuten Ermandadea, 1400. eta 1403. urteetan. Ermandadeak bideratzen zituen gaiztaginen aurkako zigorrak, eta justiziaz ere arduratzen zen, oro har. Hamalau urtetik gorako lapurtar guztiek zin egin behar zuten Ermandadearekiko leialtasuna.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.

Ikus, gainera

• Arabako Ermandadea
• Gipuzkoako Ermandadea
• Lantziegoko ermandadea

Artikulu hau Lapurdiko historiari buruzko zirriborroa da. Wikipedia lagun dezakezu edukia osatuz.