Larba
Larba hainbat ornogabe, anfibio eta arrainen bizitzako aldia da, arrautzatik irten eta animalia helduaren itxurarik hartu ez duena.
Egituraz eta bizitzeko eraz oso desberdinak izaten dira espezie bereko larba eta animalia heldua: apoa eta zapaburua, tximeleta eta haren beldarra, adibidez. Ugalketarako gaitasunik ez dute izaten larbek. Larba izatetik heldutasun arteko aldaketa prozesua metamorfosi izenaz ezagutzen da. Zenbait animaliak larba aldi oso laburra dute, eta beste zenbaitek berriz hala irauten dute ia bizitza guztian, txitxar mota batzuek esate baterako.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Ikus, gainera
 |
Wikimedia Commonsen badira fitxategi gehiago, gai hau dutenak: Larba  |