Lea-Artibai

Wikipedia(e)tik

Lea-Artibai Bizkaiko ipar-ekialdean dagoen eskualdea da, Gipuzkoarekin mugakide. Izena ematen dioten Lea eta Artibai ibaiek mugatzen dute mendebaldean eta ekialdean hurrenez hurren, baita Kantauri itsasoak ere iparraldean.

Ispaster eta Markina-Xemein izan ezik, gainontzeko herriak UEMA mankomunitate euskaldunean sartuta daude, Euskal Herriko eskualderik euskaldunenetarikoa izanda.

Herri nagusiak kostaldekoak ditugu: Lekeitio (Lea ibaiaren itsasoratzean) eta Ondarroa (Artibairen bokalean).

Eduki-taula 1 Mugakideak 2 Udalerriak 3 Inguru naturala 4 Ekonomia 5 Kanpo loturak

[aldatu] Mugakideak

Iparraldean Kantauri Itsasoa, mendebaldean Busturialdea, ekialdean Debabarrena (Gipuzkoa) eta hegoaldean Durangaldea.

[aldatu] Udalerriak

Ondoko herri hauek osatzen dute eremu hau:

• Amoroto

• Aulesti

• Berriatua

• Etxebarria

• Gizaburuaga

• Ispaster

• Lekeitio

• Markina-Xemein

• Mendexa

• Munitibar

• Ondarroa

• Ziortza-Bolibar

[aldatu] Inguru naturala

• Leiako mendilerroa (Iluntzar mendia).

[aldatu] Ekonomia

Tradizionalki, arrantza jarduera nagusia izan da Lea-Artibaiko herri nagusietan, Lekeitio eta Ondarroan alegia. Barnealdean, nekazaritza eta abeltzaintza garrantzi handia izan dute historian zehar. Halaber, eskualdea Bizkaiko txakolinaren ekoizleetakoa da.

Gaur egun, lehen sektore ekonomikoaren gainbeherarekin, beste arlo batzuk ustiatzen ari dira, batez ere turismoaren inguruan eta industriaren esparru batzuk.

[aldatu] Kanpo loturak

• Lea-Artibaiko Amankomunazgoa
• Eskualdearen turismoaren webgunea
• "11 Barri" Eskualdearen aldizkari digitala
• Eskualdeko berbalagunen bloga