Leonor Fini

Leonor Finiren erretratua

Leonor Fini (Buenos Aires, Argentina, 1908 - 1996) argentinar jatorriko frantses pintorea izan zen.

Biografia

Haurtzaroa Italian pasatu ondoren, laster jarri zen Parisen bizitzen. Londresko 1936ko erakusketa surrealistan hartu zuen parte, baina ez zuen sekula mugimendu horretan parte hartu nahi izan.

Lan aipagarriak ditu: Les Initiales (1937, Inizialak), Le Bout du monde (1949, Munduaren bukaera), Les Fileuses (1954, Iruleak), L´Eau endormie (1962, Ur lokartua), La Fête secrète (1964, Ezkutuko festa), La Peine capitale (1969, Heriotza-zigorra).

Pintore ez ezik, ilustratzaile, antzerkiko dekoratzaile eta balleteko jostun ere izan zen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.