Leopold Mozart

Leopold Mozart
	; Irudi gehiago
Bizitza
Jaiotza	Augsburg, 1719ko azaroaren 14a
Herrialdea	Germaniako Erromatar Inperio Santua
Heriotza	Salzburgo, 1787ko maiatzaren 28a (67 urte)
Hobiratze lekua	St. Sebastian's Cemetery (en)
Heriotza modua	: urdaileko minbizia
Familia
Aita	Johann Georg Mozart
Ezkontidea(k)	Anna Maria Mozart
Seme-alabak	ikusi Maria Anna Mozart; Wolfgang Amadeus Mozart;
Hezkuntza
Heziketa	Salzburgoko Unibertsitatea
Hizkuntzak	alemana
Ikaslea(k)	ikusi Margarethe Danzi (en) ;
Jarduerak
Jarduerak	musikagilea, musikologoa, biolin-jotzailea, pedagogoa, musika-irakaslea, musikaren teorikoa eta musikaria
Lan nabarmenak	ikusi Jagdsinfonie (en) ;
Genero artistikoa	sinfonia
Musika instrumentua	biolina
Sinesmenak eta ideologia
Erlijioa	Erromatar Eliza Katolikoa

Johann Georg Leopold Mozart (Augsburg, Alemania, 1719ko azaroaren 14a – Salzburgo, Austria, 1787ko maiatzaren 28a) barroko osteko musikagile alemana.

Bere familiakoen artean ez zegoen musika-aurrekaririk; aita koadernatzailea zen. Leopold, hasiera batean, Salzburgoko unibertsitatean zuzenbidea eta filosofia ikasten hasi bazen, behin eta berriz huts egiteagatik unibertsitatetik kanporatua izan zen.

Thurn und Taxis kondearen biolinista izan zen, eta gero, Firmian Salzburgokoaren orkestran jo zuen.

Biolina jotzen ikasteko metodo bat idatzi zuen, gaur egun oraindik balioetsia bere originaltasunagatik eta azalpen argiengatik.

Anna Maria Pertlekin ezkondu zen, eta bikoteak zazpi seme-alaba izan zituen. Horietako bost haurtzaroan hil ziren, eta beste biak Wolfgang Amadeus Mozart eta Maria Anna Mozart ziren. Leopoldek seme-alabei bere denbora guztia eskaini zien, hainbesteraino, non musika konposatzeari utzi ziola umeei musika bizikiago erakutsi ahal izateko.

Sinfonia bat idatzi zuen, eta ondoren, Jostailuen sinfonia ere sortu zuela pentsatzen da (orain dela urte batzuk arte, sinfonia hau Joseph Haydnena zela uste izan baita). Jostailuen sinfonia bere semea Wolfgangentzat idatzi zuen, Leopolden emaztea oraindik haurdun zegoela. Sinfonia honetan, baliabide ezberdin ugari erabiltzen ditu ume batentzako giro aproposa sortzearren: karraka, txilibitua eta danbolina bezalako tresna sinpleak, besteak beste. Hala ere, sinfonia honen autoretza oraindik eztabaidan dago.

Sei sonata idatzi zituen, klabizenbalo eta pianoarentzat obra ugari eta baita divertimento batzuk ere ganbera-orkestrarentzat.

1787ko maiatzaren 28an hil zen Salzburgon.