Litologia
Litologia arroka unitate baten deskribapena eta azterketa da, horren ezaugarri fisikoei, osaerari, testura eta egiturari buruz. Deskribapena eskuzko lagin batekin egin daiteke, edo ateratako barne-lagin batetik, ikusmen soilaz, lupaz edo mikroskopioz. Deskribapen oso detailatua izan daiteke, edo arroka baten ezaugarri fisiko orokorren laburpen bat. Litologiaren deskribapena unitate litoestratigrafikoak zehazteko erabiltzen da, eta hau garrantzitsua da kartografia geologikoa egiteko zein eskualde ezberdinen arteko korrelazioak zehazteko.
Petrologiatik ezberdintzen da litologiaren helburua unitate litoestratigrafikoak zehaztea delako, eta petrologiarena, aldiz, arrokaren beraren ezaugarri fisikoak zehaztea. Hala ere bi kontzeptuak elkarren artean nahastuta agertzen dira maiz.
Litologian honakoak aztertzen dira:
- Arroka mota: arroka sedimentario, arroka metamorfiko edo arroka igneoa den.
- Garauen edo klastoen tamaina.
- Mineralogia.
- Kolorea.
- Fabrika.
- Sedimentologiak aztertzen dituen egitura txikiak.
- Kontsolidatu gabeko gainazaleko litologiak.
