Logan mendia

Logan mendia
Logan Mendia hego-mendebaldetik ikusita.
Garaiera	5.959 m
Gailurra	5.250 m
Kokapena	Kanada
Koordenatuak	60°34′2″N 140°24′10″W
Logan mendia
Mendilerroa	Mendi Harritsuak
Lehen igoera	1925, A.H. MacCarthy, H.F. Lambart, A. Carpe, W. W. Foster, N. Read eta A. Taylor.

Logan mendia (ingelesez Mount Logan) Kanadako mendirik altuena da eta Ipar Amerikako bigarrena, McKinley mendiaren ondoren, 5.959 metroak izanik. Izena Sir William Edmond Logan, kanadiar geologoaren omenez jarri zioten.

Logan mendiak tenperatura hotza da oso: "errekorra" 1991eko maiatzaren 26an -77.5 °C gradukoa da.

Mendigunea

Logan mendia baino, mendigunea da. Logan mendiguneko gailurrak hauek dira:

Izena	Altuera (m)	Gailurra (m)	Koordenatuak
Nagusia (Logan mendia bera)	5.959	5250	60°33′60″N 140°24′14.4″W
Philippe mendigaina (Mendebala)	5.925	265	60°34′42.6″N 140°26′02.4″W
Logan Ekialdeko mendigaina (Stuart mendigaina)	5.898	198	60°34′31.1″N 140°22′00.1″W
Houston mendigaina	5.740	100	60°35′03.5″N 140°27′20.5″W
Prospector mendigaina	5.644	344	60°35′58.9″N 140°30′40.7″W
AINA mendigaina	5.630	130	60°36′31.8″N 140°31′48.6″W
Russell mendigaina	5.580	80	60°35′31.2″N 140°29′08.9″W
Tudor mendigaina	5.559	219	60°36′58.2″N 140°29′35.4″W
Saxon mendigaina (Ipar-ekialdea)	5.500	80	60°37′12.0″N 140°27′57.6″W
Queen mendigaina	5.380	160	60°36′33.5″N 140°35′12.5″W
Capet mendigaina (Ipar-mendebala)	5.250	240	60°38′15.0″N 140°32′41.3″W
Catenary mendigaina	4.097	397	60°36′36.0″N 140°17′52.1″W
Teddy mendigaina	3.956	456	60°32′37.7″N 140°28′41.5″W

Lehenengo igoera

1925eko ekainaren 23an, Albert H. MacCarthy, H.F. Lambart, A. Carpe, William Wasbrough Foster, N. Read eta A. Taylor, kanadiar, britainiar eta estatu batuar espedizio baten kideak, Logan mendiaren tontorrera heltzeko lehendabizikoak ziren.

Izen berria

Pierre Trudeau Kanadako Lehen Ministro ohia hil zenean, Jean Chrétien orduko Lehen Ministro eta lagun minak proposatu zuen Logan mendiaren izena aldatu eta Trudeau mendia jartzea. Orduan yukoniarren, mendigoizaleen eta geologoen kritikek proposamena baztertu zuten. Hala ere, Lehen Ministroak, Britainiar Kolunbian dagoen Premier Range mendia, antzinako izenaren ordez Mount Pierre Elliott Trudeau izen berria aldatzea lortu zuen.