Lome

Lomé
Estatua	Togo
Probintzia	Itsas Eskualdea
Koordenatuak	6°8′16″N 1°12′45″E
Lome
Biztanleria	737.751 bizt. (1998)

Lomé Togoko hiriburua da. 700.000 biztanle ditu (1998ko datuak). Gineako Golkoan kokatuta dago, eta Togoko industria, merkataritza eta administrazio gune garrantzitsuena da.

"Togolandia" Alemaniako kolonia zen garaian izendatu zuten bertako hiriburu (1898), eta garatzen hasi zen. Lehenengo Mundu Gerran Frantziak eta Britainia Handiak konkistatu zuten. 1922an Frantziaren kontrolpean gelditu zen erabat, 1960ra arte (Togoren independentzia urtea). Ordutik aurrera ere, Togoko hiriburu izan da. 1975ean bertan egin zen Europako Batasuna eta 46 herrialde afrikarren arteko goi batzarra, gai ekonomiko eta finantzieroen gainean.

Hiriko ikuspegia.

Ekonomia

Kafea, kokoak eta bestelako materialak esportatzeko Togoko gune garrantzitsuena da. Petrolio errefindegi bat dauka, eta bera da Togo osoan Interneteko konexioak dituen leku bakarra.

Togoko unibertsitatea eta aireportua ere hiriburuan daude.