Longfordeko konderria

Longfordeko konderria County Longford (en) Contae an Longfoirt (ga)


Estatua	Irlandako Errepublika
Probintzia	Leinster
Hiriburua	Longford
Biztanleria	39.000 biztanle
Azalera	1.091 km²
Webgunea

Longfordeko konderria (gaeleraz Contae an Longfoirt) Irlandako erdialdean dago kokatuta, Leinsterreko probintzian. 1.091 km²-ko azalera dauka eta 39.000 biztanle inguru zituen 2011an. Longford/An Longfort da hiriburua.

Eduki-taula

1 Geografia
- 1.1 Natura
- 1.2 Herri nagusiak
2 Historia
3 Pertsona ezagunak
4 Iruditegia
5 Kanpo loturak

Geografia [aldatu]

Natura [aldatu]

Shannon ibaiaren arroan kokaturik dago konderria. Lakuak (handiena Ree aintzira), zohikaztegiak, larreak eta hezeguneak dira Longfordeko konderria osatzen dutenak. Nahiko eremu laua da, izan ere mendirik altuena den Carn Clonhugh mendiak 279 metro baino ez baititu.

Herri nagusiak [aldatu]

Longford/An Longfort (9.601 biztanle), hiriburua
Ballymahon/Baile Uí Mhatháin (1.802)
Edgeworthstown/Meathas Troim (1.544)

Historia [aldatu]

Farrell leinuaren lurrak izan ziren aintzina. XII mendean normandiarrek inbaditu eta Hugh de Lacy jabetu zen eremuaz. Honek gotorlekuak eta monastegiak eraiki zituen Longforden. XIV mendean ingelesen indarra ahulduz zihoan eta O'Farrelldarrek lurraldea berreskuratu zuten.

1586an eta gehiago Bederatzi Urteko Gerraren ondoren ingelesek kontrola berrezarri zuten eta 1608an konderria Connachtetik atera eta Leinsterren sartu zuten. XVII mendean lurraldea kolonizatua izan zen.