Los santos inocentes (filma)
Los santos inocentes (euskaraz Santu errugabeak) 1984ko Mario Camus espainiar zinema zuzendariaren drama filma bat da. Miguel Delibes idazlearen izenburu berdineko Los santos inocentes eleberrian oinarritua dago. Bertan, Alfredo Landa, Francisco Rabal, Terele Pávez, Agustín González eta Juan Diego aktoreek antzeztu zuten.
Filma Extremadurako Mérida, Zafra eta Alburquerque udalerrietan filmatu zen.
Canneseko Zinemaldian Aktore onenaren saria (Alfredo Landa eta Francisco Rabal) eta Epaimahaiaren aipamen bereziaren saria irabazi zituen.
Lau flashbacken bitartez, 1960. urteetako Extremadurako cortijo edo landetxe handi bat deskribatzen du. Han azaltzen da jauntxoei lurgintzan, eta ehizaldiak prestatzen edo jai bat ospatzen dutenean, zerbitzatzen dieten laborarien miseriazko bizimodua, eta seme-alabek ikasi eta handik irten ahal izan dezaten duten obsesioa.
Argumentua
Paco (Alfredo Landa) eta Régula (Terele Pávez) Espainiako Extremadura eskualdean euren hiru seme-alabekin bizi diren nekazari senar-emazteak dira, bertako jauntxoen etxaldean edozein motako aginduak eta umilazioak txintxik esan gabe jasan ohi dituztelarik. Egun bateaz Azarías (Paco Rabal) aurkeztuko da, Régularen anai mentalki ez gaitua, lan egiten zuen etxaldetik kaleratu baidute eta bere arrebaren familiara lan egiteko elkartu nahi baitu. Orain, garai latz hartako zailtasun guztiei aurre egin beharko diete.
Istorioak ukitzen dituen gai nagusiak
- Morroiek egunero jauntxoen aldetik jasan ohi zituzten zapalkuntza eta umilazioak.
- Espainiako landa eremuko maila sozial baxuenetan orokorra zen kulturgabezia.
- Maila baxuenetako kideek euren egoera kaxkarraren onarpena, jauntxoentzako ia gizakiak ere ez zirelarik.
Aktoreak
| Aktorea | Pertsonaia |
|---|---|
| Alfredo Landa | Paco, txikia |
| Terele Pávez | Régula, Pacoren emaztea |
| Paco Rabal | Azarías, Régularen anaia |
| Belén Ballesteros | Nieves, Paco eta Régularen alaba |
| Juan Sánchez | Quirce, Paco eta Régularen semea |
| Susana Sánchez | Charito, neskatoa, Paco eta Régularen alaba |
| Agustín González | Don Pedro, etxaldeko jauntxoa |
| Ágata Lys | Doña Pura |
| Juan Diego | Iván jauntxoa |
| Mary Carrillo | Markesa andrea |
| Maribel Martín | Miriam andereinoa |
| Manuel Zarzo | Medikua |