Louis Etxeberri
- Artikulu hau politikari eta kazetariari buruzkoa da; beste esanahietarako, ikus «Etxeberri (argipena)».
Louis Etxeberri (Donazaharre, Nafarroa Beherea, 1853ko otsailaren 22a - 1907ko urriaren 15a) politikaria eta kazetaria izan zen. Maulen diputatu, Donazaharren auzapez eta Garazi aldean sindiko izan zen. Piarres Xarritonek dioenez, Etxeberri politikoki bonapartista zen.
1887an Eskualduna aldizkaria —euskaraz inoiz izan den lehenengo astekaria— sortu zuen. Artikulugile oparoa izan zen, eta batik bat soziologiari lotutako gaiak jorratu zituen: Amerikara migratutako euskaldunen bizitza, Lehen Mundu Gerrara joandako euskal herritarren goraipamenak, eta abar. 1944 arte argitaratu zuten aldizkaria, baina, barneko ika-mika batzuk zirela eta, Etxeberrik zuzendari kargua utzi behar izan zuen eta bere bizitzako azken hiru urteetan (1904-1907) Eskualdun Ona agerkarian aritu zen.
Kanpo loturak
- Bernardo ESTORNÉS LASA: «Louis Etcheverry», Auñamendi Eusko Entziklopedia.
- Argia aldizkariaren laburpena