Louis Gardet

Louis Gardet, benetako izenez André Brottier (Tolosa Okzitania, Frantzia, 1904ko abuztuaren 15a - Tolosa Okzitania, 1986ko uztailaren 17a) frantses teologo, filosofo eta mistikoa izan zen.

Biografia

Neotomismotik sortutako kristau-filosofiaren ordezkari nagusietakoa izan zen. Kultura eta erlijio konparatuen filosofo kristautzat azaltzen zuen bere burua, eta lotura estua izan zuen Foucaulden Petits Fréres elkartearekin. Islamaren inguruko ikerlan sakonak egin eta argitaratu zituen: La cité musulmane (1954, "Musulman hiria"), Les grands problémes de la théologie musulmane: Dieu et la destinée de l´homme (1967, "Teologia musulmanaren gai nagusiak: Jainkoa eta gizakiaren patua"), Les hommes de l´islam (1977, "Islamaren gizonak").

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.