Luca Signorelli

Luca Signorelli
	; (1500) Irudi gehiago
Bizitza
Jaiotzako izen-deiturak	Luca Signorelli
Jaiotza	Cortona, 1450
Herrialdea	Florentziako Errepublika
Heriotza	Cortona, 1523ko urriaren 16a (72/73 urte)
Hobiratze lekua	Church of San Francesco (en)
Familia
Familia	ikusi Giorgio Vasari (izter-lehengusu);
Hezkuntza
Hizkuntzak	italiera
Irakaslea(k)	Piero della Francesca; Andrea del Verrocchio
Ikaslea(k)	ikusi Girolamo Genga; Turpino Zaccagna;
Jarduerak
Jarduerak	margolaria, marrazkilaria eta fresco painter (en)
Enplegatzailea(k)	Il Perugino
Lan nabarmenak	ikusi Adoration of the Magi (en) ; Adoration of the Shepherds (en) ; Sermon and Deeds of the Antichrist (en) ; Education of Pan (en) ;
Mugimendua	Sienako eskola

Luca d'Egidio di Ventura (Cortona, 1450 inguruan - Cortona, 1523ko urriaren 16a), ezagunagoa Luca Signorelli eta Luca da Cortona ezizenez, Pizkundeko italiar margolaria izan zen.

Bizitza[aldatu | aldatu iturburu kodea]

Piero della Francescaren ikasle eta lankide izan bazen ere, lehen obretan jadanik maisuaren moldeetatik aldendu zen (Città di Castelloko freskoak, madonnak, 1474). 1476tik 1479ra Loreton lan egin zuen eta, 1481ean, Florentziako beste margolari batzuekin batera, Erromara joan zen; han Moisesen azkeneko egunak eta beste fresko batzuk egin zituen Kapera Sixtinorako.

1482tik 1493ra bitartean, Italiako erdialdean jardun zuen lanean; ordukoak dira, besteak beste: Madona eta Familia Santua (Uffizi Galeria); Panen garaipena (1488, Berlinen 1944an desegina); Madona eta Santuak (1484, Perugiako katedrala).

XV. mende amaierako fresko-egilerik handiena izan zen. Haren adierazpen plastiko ahaltsuak Michelangeloren moldea iragartzen du: Monte Oliveto Maggioreko klaustroa (San Benitoren historia, 1497tik aurrera) eta Orvietoko katedraleko San Brizio kapera (Antikristoa, Azken judizioa, Haragiaren berpizkundea, 1499-1504).

Margokera[aldatu | aldatu iturburu kodea]

Haren pinturek Piero della Francesca maisuaren irudien handitasun bera badute ere, dramatismo handiagoz hornitu zituen Signorellik. Errealismo anatomikoa Antonio Pollaiuolorengandik bide dator. Koloreen kontrasteak, argiztapen dramatikoa, espazioaren egituratze nabarmena (simetriaren erabilera) dira Signorelliren pinturaren beste ezaugarri batzuk.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Luca Signorelli

Datuak: Q7031
Multimedia: Luca Signorelli / Q7031