Luis Pedro Peña Santiago

**Luis Pedro Peña Santiago**
Datu pertsonalak
Luis Pedro Peña Santiago Erromantzatuko estela bat aztertzen. Juan San Martinen argazkia.
Izen osoa	Luis Pedro Peña Santiago
Jaio	1933ko azaroaren 26a
	Irun, Gipuzkoa (Euskal Herria)
Hil	1994
	Donostia, Gipuzkoa (Euskal Herria)
Webgunea	http://luispedropenasantiago.gipuzkoakultura.net/ http://luispedropenasantiago.gipuzkoakultura.net/ http://luispedropenasantiago.gipuzkoakultura.net/

Luis Pedro Peña Santiago (1933ko azaroaren 26a, Irun, Gipuzkoa - 1994, Donostia, Gipuzkoa) Euskal Herriko idazle, etnologo eta mendizale bat izan zen. Donostiako Alde Zaharrean Graphos izeneko liburundendaren jabea zen.

Arantzadi Zientzia Elkarteako kide nabarmena izan zen, haren Etnologia saileko idazkari eta presidentea ere izan zen, bere presidentzia aldian Eusko-Foklore urtekaria berreskuratu eta Euskal Herriko Etnografia Atlasa martxan jarri zuen. Ingeba, Francisco Ibero Institutua eta Euskalerriaren Adiskideen Elkarteko kide izan zen, gainera Donostiako Aquariumaren zaharberritze handia burutu zen denboraldian zehar Gipuzkoako Ozeanografia Elkarteko zuzendaritzako kide ere izan zen.

Jesus Elosegirekin batera hainbat hilabeteetan zehar Euskal Telebistako Natura eta Mendiari buruzko Ibilbideak izeneko saioaren gidoigilea izan da. 1992an Euskal Herriko mendiak ezagutarazten eginiko lanarengatik Donostiako Udalak Merezimenduaren Domina eman zion. Gainera, Club Vasco de Camping elkarteko lehenbiziko ohorezko kide ere izendatu zuten.

1964. urtetik aurrera Diario Vasco egunkariko Arte, Arkeologia, Etnografia, Natura, Mendia, Mitologia eta Usadioak, bidaiak eta ibilbideei buruz idazten zuen atal bat izan zuen (hasiera batean igandeetan, ondoren larunbatean argitaratu zen).

Goierriko Murumendi mendiaren gailurrean bere omenezko hilarri diskoidal bat dago, gainera Donostian bere izena daraman Luis Pedro Peña Santiago pasealekua ere badago.

Liburuak

La Argizaiola vasca (1964)
Estudio Etnográfico de Urraul Alto (Juan San Martinekin elkarlanean, 1966)
Guipúzcoa olvidada (1968)
Guipúzcoa paso a paso (1969)
Guipúzcoa el último camino (1970)
Arte Popular Vasco (1970)
Fiestas tradicionales y romerías de Guipúzcoa (1973)
Ermitas de Guipúzcoa (1975)
Rincones de Guipúzcoa (1977)
Al encuentro del pasado (1980)
La campana de oro (1981)
Entre el Golfo de Vizcaya y el Ebro (1982)
La Gran Travesía de la Divisoria (1982)
Del Orhi al Mar (1982)
El Mar de los Vascos-leyendas, tradiciones y vida (1982)
El mar de los Vascos-Del golfo de Vizcaya al Mediterráneo (Juan Garmendia Larrañagarekin elkarlanean, 1982)
Noventa crónicas de un viajero impenitente (1984)
Guipúzcoa, excursiones y paseos (I. bilduma, Jesus Elosegirekin elkarlanean, 1984)
Guipúzcoa, excursiones y paseos (II. bilduma, Jesus Elosegirekin elkarlanean, 1985)
Fiestas, costumbres y leyendas de Navarra (1984)
Aralar (1984)
Aizkorri (1985)
Gorbea (1986)
El pastoreo en Guipúzcoa (1987)
El Pirineo Vasco (1988)
25 excursiones por Álava (1987)
25 excursiones por Guipúzcoa (1987)
Navarra de caminos, batallas y bandidos (1986)
La Ruta de los Brujos (1986)
La Vuelta a Navarra a pie (1988)
Leyendas y tradiciones populares del País Vasco (1989)
La Ruta del Peregrino (1989)
Cien cumbres y rincones de la montaña vasca (1990)
Paseos por Guipúzcoa (1991)
Paseos desde Guipúzcoa (1992)
Por la Rioja Alavesa a pie (1992)
Las siete Vírgenes Negras de Guipúzcoa (1992)
Pays Basque-Euskal Herria (1992).

Esaldiak

«	Georginari, Berriro ere askatasun osoz ibiliko gara mendietan barrena, haizearen lagun, eta ez dugu izango debekuzko alanbre-hesirik, debekuzko langarik, debekuzko txartelik. Eta ilunabarrean, urrutira, han nabarmenduko dira oraindik, gure herri txiki honetako mendi urdinak.	»
Luis Pedro Peña Santiago^[1]

«	"... Mendia ez da bakarrik bakardadea, are gutxiago Euskal Herriko mendia. Gehienetan, geure inguruari arreta pixka batez so eginez, Historia berberarekin topo egiten dugu. Mendiak, ataka desolatuak, basoak, zubiak, bentak, baselizak, bordak, zalbideak, trikuharriak, harrespilak, kondairak, mitoak, erromeriak, artzainak, gudak, pelegrinazioak ... Ez al da gauza askotxo? Ez, bizitza osoa da gure bidera jauzi egiten ari dena, eta guk ezin dugu geldiarazi, bera gu geu garelako..."	»
Luis Pedro Peña Santiago^[1]

Kaleak

Luis Pedro Peña Santiago pasealekua, Sagues, Donostia.

Erreferentziak

↑ ^a ^b Gaintza - GAINTZAko GAINA - Legorreta - Santa Marina - MURUMENDI (864 m) - Matxinbenta. Goierriko Bira (5. etapa) - Goierriko ipar-ekialdeko mendietan. Urretxu-Zumarragako Ostadar Mendi Taldea

Kanpo loturak

Luis Pedro Peña Santiagori buruzko webgunea. Gipuzkoakultura.net (Gaztelaniaz)
Luis Pedro Peña Santiagoren biografia irakurgai. Auñamendi entziklopedia (Gaztelaniaz)
Luis Pedro Peña Santiago bere lagunen oroimenean. Juan Garmendia Larrañaga. Eusko Ikaskuntza (Gaztelaniaz)

[ostadar.org-1] Gaintza - GAINTZAko GAINA - Legorreta - Santa Marina - MURUMENDI (864 m) - Matxinbenta. Goierriko Bira (5. etapa) - Goierriko ipar-ekialdeko mendietan. Urretxu-Zumarragako Ostadar Mendi Taldea

[1]