Luzuero

Luzuero
Datu orokorrak
Garaiera	307 m
Mota	mendi
Geografia
Koordenatuak	43°21′27″N 3°06′13″W
Mendikatea	Serantesko mendilerroa
Herrialdea	Euskal Herria
Probintzia	Bizkaia

Luzuero Bizkaiko mendebaldean dagoen mendia da, 307 metroko garaierarekin. Aztarnategi paleontologiko baten lekua ere bada.

Abrako golkoa du bere ekialdean eta Muskiz, Zierbena eta Meatzaldea bere magaletan. Espainiako Gerra Zibilan Bilboaldea defendatzeko gune estrategikoa izan zen: Bilboko Burdin Hesiaren parte zen, eta hainbat kanoi zituen, itsasora begira.

Aztarnategi paleontologikoa

Hiru espezie fosil Luzueron

1987an, ingutuko harrobi bat Bilboko Portuko obretarako erabiltzen ari zirela, aztarna paleontologikoak aurkitu zituen Iñaki Libano ikertzaileak. Ordurako aztarnategiaren zati handiena harrobian suntsitua zen, baina ale interesgarriak induskatu ahal izan dira.

Euskal Herriko Kuaternarioko makrougaztunen fosil zaharrenak, duela 500.000 urte ingurukoak, dira Luzueron aurkituak.

Aurkikuntzen artean hiru espezie dira bereziki aipagarriak. Jaguar europarra da bat, Panthera gombaszoegensis, gaur Amerikan bizi den jaguarra baino handixeagoa eta sendoagoa. Bigarrena, Canis mosbachensis da, egungo otsoaren arbasoa, pixka bat txikiagoa. Eta, hirugarrena, tigre sable-horzduna, Homotherium latidens, egungo lehoi baten tamainakoa.

Xabier Pereda Suberbiola, Asier Gómez Olivencia eta Ainara Badiola Kortabitarte paleotologoek Registro fósil de los Pirineos occidentales liburuan zabaldu zuten ikerketa horien datuak.

Argazki bilduma

• 
  Xabier Pereda, Asier Gómez eta Ainara Badiola Registro fósil de los Pirineos occidentales liburuarekin.
• 
  Luzueroko postontzia
• 
  Luzueroko kanoiak
• 
  Luzuero mendiko igoera tontorretik ikusita.
• 
  Arena Luzuero menditik.
• 
  Luzueroko bunkerrak.

Ikus, gainera

• Bizkaiko mendien zerrenda.

Kanpo estekak

• Datuak: Q12266355

Euskarazko Wikipedian bada atari bat, gai hau duena: Euskal Wikiatlasa