Màxim Huerta

Màxim Huerta
	; Irudi gehiago
; Kultura eta Kirol ministroa	; 2018ko ekainaren 7a - 2018ko ekainaren 14a ; ← Íñigo Méndez de Vigo Montojo (en) - José Guirao Cabrera →
; Kultura eta Kirol ministroa
Bizitza
Jaiotzako izen-deiturak	Máximo Huerta Hernández
Jaiotza	Utiel, 1971ko urtarrilaren 26a (53 urte)
Herrialdea	Espainia
Hezkuntza
Heziketa	CEU San Pablo Unibertsitatea lizentzia : Komunikazio zientziak
Hizkuntzak	gaztelania
Jarduerak
Jarduerak	kazetaria, politikaria, telebista aurkezlea, idazlea eta haur literatura idazlea
Enplegatzailea(k)	Telecinco (2000 - ; El programa de Ana Rosa (en) (2005 - 2015); Espainiako Gobernua (2018ko ekainaren 7a - 2018ko ekainaren 13a); Televisión Española (2019ko uztailaren 8a - ; À Punt Mèdia (en) (2021eko urtarrila -
Jasotako sariak	ikusi Premio Primavera de Novela (2014) ; Karlos III.aren Ordenaren Gurutze Handia (2021) ; Premio Fernando Lara (2022) ;
Kidetza	Espainiako Telebistako Zientzia eta Arteen Akademia
	maximhuerta.com

Máximo Huerta Hernández (Utiel, Valentzia, 1971ko urtarrilaren 26a), aurretik Màxim Huerta bezala ezagutua, espainiar kazetari, idazle eta Telebistako Arte eta Zientzien Akademiaren kide da. Udaberri Sariaren irabazlea 2014an, Espasak argitaratutako bere laugarren eleberriagatik La noche soñada.^[1] 2018an Pedro Sánchez, espainiar Gobernuko presidenteak, Kultura eta Kirol Ministroa izateko aukeratu zuen, baina izendatu eta astebetera dimisioa aurkeztu zuen.

Biografia[aldatu | aldatu iturburu kodea]

Valentziako CEU San Pablo Unibertsitatean Informazioaren Zientzietan lizentziatua, Madrilgo "Instituto Europeo de Diseño"an Diseinu Grafiko eta Ilustrazio Editorialean masterra lortu du. Era berean, Telebistako Arte eta Zientzien Akademiaren kide da. Bere ibilbide profesionala bere jaioterriko irrati eta idatzizko komunikabidetan hasi zuen, hala nola, Radio 5ko RNE Utielen eta Radio Buñol edo Valencia 7 días edo Las Provincias egunkarietan.

Telebistarako jauzia 1997an ematen du, Canal 9 telebista kate autonomikoan hastean, bertan Informatiu Metropolità eta azken orduko Informatiu aurkeztu eta editatzen dituelarik.^[2]

Telecincon 2000an hasten da lanean,^[2] Valentziako Erkidegorako autonomi saila aurkezten eta editatzen. Urte bat geroago, estatu mailara egiten du jauzi Informativos Telecinco programan bost urtez atal desberdinak aurkeztuz.^[3]

En 2005 bere ibilbideak beste norantza bat hartzen du, ordurarte albistegietara lotua,^[4] eta Ana Rosa Quintana kazetariaren El Programa de Ana Rosa saioko aurkezle taldean sartzen da,^[2] gizarte-kronikari buruzko saioa. Hamar urtez mantentzen da saio honetan, 2015eko irailera arte.

2006tik 2010 arte, Ana García Lozanoren Queremos hablar programan elkarlanean aritu da Punto Radion.^[5]

Irailaren 2016tik aurrera, TVEko 1 katean, zinemari buruzko Destinos de cine programa aurkezten du.^[6]

Zazpi eleberri, bidai-liburu bat, haurrentzako ipuin bat eta istorio ilustratu bat argitaratu ditu, besteak beste, Que sea la última vez que me llamas Reina de la Tele (2009), El susurro de la caracola (2011), Una tienda en París (2012) y La Noche Soñada (2014), azken honekin Premio Primavera 2014ean irabaziz.^[7]

2015ean bere lehen liburu ilustratua argitaratu zuen, El escritor izenburupean, Javier Jubera artistarekin elkarlanean, eta urte berean bere bosgarren nobela No me dejes (Ne me quitte mas).

2017ko apirilean seigarren liburua kaleratzen du, oraingoan autobiofikzioa La parte escondida del iceberg.^[8] El Español,^[9] 20 Minutos, Glamour, eta National Geographic aldizkari eta egunkarietan idazten du.^[10] Halaber, RNEko Gente despierta saioko taldearen parte da.^[11]

2018ko ekainean Pedro Sanchezek Kultura eta Kirol Ministro izendatu zuen.^[12] Astebete ondoren dimisioa aurkeztu zuen, 2006, 2007 eta 2008an 218.322 euroko zerga-iruzurra egin zuela zabaldu eta gero.^[13]^[14]