Mañueta

Mañueta
Araba
Izen ofiziala	Baños de Ebro/Mañueta
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Araba Arabako Errioxako Kuadrilla
Alkatea	Roberto Blanco Pascual (PP)
Herritarra	mañuetar
Koordenatuak	42°31′59″N 2°40′0″W
Eremua	9,46 km2
Garaiera	425 m
Distantzia	45 km Gasteiza
Posta kodea	01307
Biztanleria	357 bizt (2007)
Dentsitatea	37,74 bizt/km²
Sorrera	1666
http://www.banosdeebro.com

Mañueta (ofizialki Baños de Ebro / Mañueta) Arabako hegoaldeko udalerria da. Arabako Errioxako eskualdean dago, Gasteiztik 45 bat kilometrora. 2007ko datuen arabera 357 biztanle dauzka 9,46 km²-ko eremuan banaturik.

Antiguako Andramariren eliza.

Geografia

Udalerri mugakideak

• Iparraldean: Villabuena Araba eta Samaniego.
• Hegoaldean: Torremontalbo eta Cenicero (Errioxako Autonomia Erkidegoa).
• Ekialdean: Eltziego.
• Mendebaldean: San Vicente de la Sonsierra eta Abalos (Errioxako Autonomia Erkidegoa).

Historia

Jatorria erromatarren garaikoa omen du (garai hartako aztarnak aurkitu dituzte upategien auzoan). Erdi Aroan, Nafarroako Erresuman barne zegoela, Baños de Navarra deitzen zuten gaztelaniaz. Guardiako herria izan zen 1666 arte. 1997an jarri zioten izen ofizial elebiduna (Baños de Ebro/Mañueta).

Demografia

Mañuetako biztanleria

1897	1900	1910	1920	1930	1940	1950	1960	1970	1981	1991	2001	2006
410	438	377	430	415	452	498	445	373	325	332	336	367

Kultura

Jaiak

• Ekainaren 10ean San Kristobalen omenezko jaiak ospatzen dituzte.
• Abuztuaren 24ean San Bartolome zaindariaren jaiak ospatzen dituzte.

Mañuetar ezagunak

• Adolfo Muñoz (1959): ELAko idazkari nagusia.
• Rafael de Miguel: Mañuetako alkate ohia eta Arabako foru-diputatua EAJrekin.

Ondasun nabarmenak

• Antiguako Andramariren eliza barrokoa.
• San Kristobalen ermita, XVIII. mendekoa, zeinetatik herrigune osoa menperatzen baita.

Kanpo loturak

• (Gaztelaniaz) Mañuetako webgune ofiziala
• (Gaztelaniaz) Mañueta Auñamendi entziklopedian