Maikop

Wikipedia(e)tik
Hona jo: nabigazioa, Bilatu

Maikop

Maikop
bandera

armarria

Izen ofiziala Майкоп, Мыекъуапэ
Estatua ErrusiaErrusia
Errepublika Adigea
Koordenatuak

44°36′N 40°05′E / 44.600°N 40.083°E / 44.600; 40.083Koordenatuak: 44°36′N 40°05′E / 44.600°N 40.083°E / 44.600; 40.083

Maikop non dagoen adierazten duen Errusia-ko/-go/-eko mapa
Maikop
Eremua 308 km²
Garaiera 220 m
Biztanleria 144.249 bizt. (2010)
Dentsitatea 468,34 bizt./km²
Sorrera 1857
http://adygheya.ru/territory/maykop/

Maikop[1] (errusieraz: Майкоп; adigeraz: Мыекъуапэ, Myequape) Errusia hego-mendebaldeko industria-hiria eta Adigeako Errepublikaren hiriburua da. Kaukasia eskualdean kokaturik dago, Kaukaso mendikatearen iparraldera, Kuban ibaiaren adarra den Belaiaren ertzean. Rostov Don hiritik 291 km hegoaldera eta Krasnodar-tik 100 km hego-ekialdera dago. 2010eko erroldaren arabera, hiriak 144.249 biztanle zituen[2].

Hiriaren izena adigerazko мыекъуапэ (myek-uape) hitzetik dator, «loretan dauden sagarrondoen harana» esan nahi duena.

Maikop hiri okrug edo barrutiko hiriburua da. Maikop okrugekoak dira beste hiri hauek ere: Janskaia, Gaverdovski, Kosinov, Podgorni, Rodnikovi, Severni, Vesioli eta Zapadni.

Historia[aldatu | aldatu iturburu kodea]

Kubango kosakoek 1857. urtean errusiarrentzako gotorleku bat zuten Maikopen. Kaukasoko Gerran (1858-1863) erabakigarria izan zen. 1870. urtean udalerri izaera eman zioten.

1897. urtean antzinako aztarnak aurkitu zituzten: noizbait oso aberatsak izan ziren gizon-emakumeen eta euren zerbitzarien hilobiak, euren gauzekin, eta hamaika metroko tumulua, besteak beste. Azterketek erakutsi dute kanpotik etorri ziren pertsonen gorpuak zirela, Asia, Anatolia edo Irandik. Gainera, K. a. IV. milurtekoan hezitako zaldi bat eta beste animalia batzuk zeuden aztarnen artean.

1911. urtean inguruetan petrolioa aurkitu zutenetik hiria asko hazi eta garatu zen. 1936. urtean Agigea oblasteko hiriburu izendatu zuten. Hala ere, Bigarren Mundu Gerraren ostean suntsituta geratu zen.

Edonola ere, hiria petrolio-gune garrantzitsua zenez, erraz berpiztu zen; 1991. urtetik Adigeako Errepublikako hiriburua da.

Demografia[aldatu | aldatu iturburu kodea]

Biztanleriaren bilakaera
1897 1923 1926 1939 1959 1967 1970
34 200 43 300 52 300 55 900 82 200 106 000 110 000
1979 1982 1986 1989 1998 2002 2008
127 800 134 000 142 000 148 600 166 500 156 931 153 468

Klima[aldatu | aldatu iturburu kodea]

Maikopeko klima azpitropikal hezea (Cfa) da, Köppen klima sailkapenaren arabera.

Datu klimatikoak (Maykop)
Hila Urt Ots Mar Api Mai Eka Uzt Abu Ira Urr Aza Abe Urtekoa
Batez besteko tenperatura maximoa (°C) 3.9 5.8 11.0 18.2 22.6 26.2 28.9 28.5 24.3 17.6 12.3 6.9 17.2
Batez besteko tenperatura (ºC) -0.5 1.3 5.7 12.6 16.8 20.3 22.8 22.3 18.1 12.0 7.6 2.8 11.8
Batez besteko tenperatura minimoa (°C) -4.9 −3.3 0.4 6.9 11.0 14.4 16.7 16.0 11.9 6.3 2.8 −1.3 6.4
Pilatutako prezipitazioa (mm) 60 41 51 58 73 89 70 58 62 66 75 69 772
Prezipitazio egunak (≥ 1 mm) 8 7 8 8 8 9 7 6 7 7 9 10 94
Iturria: worldweather.org[3]

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Maikop Aldatu lotura Wikidatan