Manasarovar lakua

Wikipedia(e)tik
Hona jo: nabigazioa, Bilatu
Manasa Sarovar lakua eta Tibeteko Himalayak.
Manasarovar (eskuinean) eta Rakshastal (ezkerrean) lakuen satelite bidezko irudia, atzean Kailash mendia dagoela

Manasarovar edo Manasa Sarovar lakua, Tibeteko laku bat da, Txinako eskualde honetako hiriburua den Lhasatik 2000 kilometrora dagoena. Hindi hizkuntzan मानसरोवर झील izena du, eta, tibeteraz མ་ཕམ་གཡུ་མཚོ།, Mapham Yutso. Manasa Sarovar izeneko laku honetatik mendebaldera, Rakshastal lakua dago, eta, iparraldera, Kailash mendia dago, tibeteraz, Khang Rinpoche izena duena.

Geografia[aldatu | aldatu iturburu kodea]

Manasarovar lakua, 4556 metroko altueran dago. Munduko ur gardendun lakurik altuena da. Forma erlatiboki borobila du. Bere zirkunferentzia, 88 kilometrokoa da, bere sakonera 90 metrokoa eta 320 kilometro karratuko hedadura du. Neguan izoztu egiten da, eta, udaberrian, izotz hau urtu egiten da. Laku honetatik gertu daude Indo, Brahmaputra, Sutlej eta Karnali (Ghaghara) ibaien iturriak.

Garrantzi kulturala[aldatu | aldatu iturburu kodea]

Kailash mendia bezala, Manasarovar lakua erromesaldi lekua da, pertsona erlijiosoak erakartzen dituena Tibetetik, Indiatik eta inguruko beste herrialde batzuetatik. Hinduek, laku honetan bainatu eta bertako ura edaten badute, bizitza honetan eta beste batzuetan eginiko bekatu guztiak garbitzen dituztela uste dute. Erregularki, erromesaldi bidaiak antolatzen dira, bereziki Indiatik, horietatik ezagunena, Kailash Mansarovar Yatra deritzona delarik, urtean behin egiten dena. Erromesak, Manasa lakuko ur purifikatzaileetan bainu zeremonialak hartzera etortzen dira.

Hinduismoaren arabera, lakua, Brahma jainko sortzailearen burutik sortu zen. Horregatik, sanskritoz, "Manasarovar" deitzen da, manas (burua) eta sarovar (lakua) hitzen konbinaketa bat dena. Lakua (mitologia hinduaren arabera), beltxargen (hegazti jakintsu eta sakratutzat hartzen direnak) udako bizilekua ere badela uste da. Uste da, baita ere, devak, brahma muhurta orduan (egunsentia baino 96 minutu lehenago hasi eta egunsentia baino 48 minutu lehenago amaitzen den 48 minutuko "ordu hindu" bat dena) laku honetara bainatzera jeisten direla.

Budistek, laku hau, Maya erreginak, bere seme buda izan zuela uste duten laku mitikoarekin lotzen dute, sanskritoz Anavatapta bezala eta paliz Anotatta bezala ezagutzen dena.

Lakuak, monasterio gutxi batzuk ditu bere ertzean. Horietatik nabarmenenena, Chiu Gompa antzinako monasterioa da, gertuko muino batean eraiki zena, eta harkaitzean bertan egina bailitzan ikusten da.

Tibeteko jaina zein bonpek, berdin gurtzen dute toki hau, debozio handiz.

Commonsen badira fitxategi gehiago, gai hau dutenak: Manasarovar lakua Aldatu lotura Wikidatan