Marcel Mouloudji

Wikipedia(e)tik
Hona jo: nabigazioa, Bilatu

Marcel Mouloudji (Paris, Frantzia, 1922ko irailaren 16a - Paris, 1994ko ekainaren 14a) frantses abeslaria, idazlea eta antzezlea izan zen.

Biografia[aldatu | aldatu iturburu kodea]

Haurtzaroa txirotasunean igaro zuen. Kantari, antzezle, zinemagile, idazle eta margolari lanetan aritu zen. Jean-Louis Barraultek bere ikuskizun baterako hartu zuen. Mouloudjik La Fleur de l´âge (1991) lanean Barraulten giroan nola sartu zen kontatzen du, nola ezagutu zuen Octobre taldea, eta nola kontratatu zuen Dullin jaunak Atelier antzokirako.

Hainbat filmetan parte hartu zuen: Marcel Carnéren Jenny, Jacques Daroyren La Guerre des gosses ("Mutikoen gerra"), Christian-Jaquen Les Disparus de Saint-Agil ("Saint-Agil-eko desagertuak"), Henri Decoinen Les Inconnus dans la maison ("Ezezagunak etxean") eta abar. Mutiko gaiztoaren paperak egin zituen Justice est faite ("Justizia egina dago") edota Nous sommes tous des assassins ("Gu guztiok hiltzaileak gara") filmetan.

1950eko hamarralditik aurrera ez zuen zineman lanik egin. Okupazioaren garaian Sartre eta Beauvoir bisitatzen zituen, eta haiek idaztera bultzatu zuten. Eleberriak (Enrico, 1944, Pléiade Saria), antzerki-lanak (Quatre Femmes, 1947), eta poesia idatzi zituen. Lemarque, Cocteau, Prévert, Trenet, Queneau, Ferréren abestiak interpretatu zituen. 1953an Diskoaren Sari Nagusia lortu zuen. 1954an Boris Vianen Le Déserteur abestu zuen, baina berehala debekatu zuten. Aljeriako Gerraren kontra azaldu zen, eta 1968ko maiatzeko mugimenduaren alde.

Erreferentziak[aldatu | aldatu iturburu kodea]